تەرگەۋ ءجۇرىپ جاتىر.
الماتى پوليسياسى گاشيشتىڭ ءىرى پارتياسىن تاركىلەدى، دەپ حابارلايدى Almaty-akshamy.kz
"جامبىل وبلىسىنان ەسىرتكى جەتكىزۋ ارناسى جويىلدى. ارنايى ءىس-شارانى ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرى جۇرگىزگەن. 48 جاستاعى ت.ەسىمدى ازامات ۇستالدى، ونى جەكە ءتىنتۋ بارىسىندا ىشىندە ەرەكشە ءيىسى شىعىپ تۇرعان جاسىل ءتۇستى ۇنتاق زاتى بار سومكە تابىلىپ، تاركىلەندى. ول – گاشيش ەسىرتكىسى بولىپ شىقتى. بۇل ارنايى ساراپتامادان كەيىن انىقتالدى. ال كۇدىكتىنىڭ تۇرعىلىقتى جەرىنەن "بۇركىت" قىزمەتتىك ىزكەسۋشى ءيتى وسىعان ۇقساس زات سالىنعان 19 بۋمانى تاپتى. تاركىلەنگەن ءشوپتىڭ جالپى سالماعى 2 كەلى 609 گراممدى قۇرادى. كۇدىكتى ۋاقىتشا ۇستاۋ يزولياتورىنا قامالدى"، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ديدار احانوۆ.
اتالعان دەرەك بويىنشا ق ر قك-نىڭ 297 بابى 3 بولىگىنە (ەسىرتكى، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ، جونەلتۋ نە وتكىزۋ) سايكەس سوتقا دەيىنگى تەرگەۋ امالدارى جۇرگىزىلىپ جاتىر.
قازىرگى ۋاقىتتا تەرگەۋ ەسىرتكى زاتتارىن ساتۋ ارناسىنا تاعى كىمدەردىڭ قاتىسى بارىن انىقتالىپ جاتىر.
ق ر قك-نىڭ 201 بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى.
ق ر كونستيتۋسياسىنىڭ 77 بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.