جەر سىلكىنىسى كەزىندە ول تۇركيانىڭ حاتاي قالاسىندا بولعان.
تۇركيادا قازاقستاندىق ميرۋس قۇرماشيەۆ جوعالدى، دەپ حابارلايدى Almaty-akshamy.kz
بۇعان دەيىن جەلىدە Astana Hub تەحنوپاركىنىڭ حالىقارالىق اگەنتى ميرۋس قۇرماشيەۆتىڭ جوعالىپ كەتكەنى تۋرالى اقپارات تاراعان. اعاسى المات قۇرماشيەۆتىڭ ايتۋىنشا، ول تۇركيانىڭ حاتاي قالاسىندا بولعان. سودان بەرى ونىمەن بايلانىس ۇزىلگەن.
وتباسى مەن دوستارى الاڭداپ، جان-جاقتى ىزدەستىرىپ جاتىر.
سىرتقى ىستەر مينيسترلىگىنىڭ رەسمي وكىلى ايبەك سمادياروۆ بۇل اقپاراتتى راستادى. تۇندە ميرۋستىڭ باۋىرى، دوستارى مەن قازاقستاندىق ەرىكتىلەر تۇركياعا ۇشىپ كەتتى.
ايتا كەتەرى، تۇركيادا بولعان جەر سىلكىنىسىنىڭ ماگنيتۋداسى 7،7 بالل بولعان. سوڭعى اقپاراتقا سايكەس، 5 مىڭنان استام ادام قازا تاپتى، 20 مىڭنان ارتىق ادام زارداپ شەكتى.