مەملەكەت باسشىسى ۇكىمەتكە جويقىن جەر سىلكىنىسى سالدارىنان زارداپ شەككەن تۇركيا رەسپۋبليكاسىنا شۇعىل كومەك رەتىندە 1 ميلليون دوللار ءبولۋدى تاپسىردى، دەپ حابارلايدى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.
سونىمەن قاتار قازاقستاننىڭ وكىلەتتى ورگاندارى تۇرىك تاراپىمەن بىرلەسىپ، ءزىلزالانىڭ زاردابىن جويۋ ءۇشىن قوسىمشا كومەك كورسەتۋ ماسەلەسىن قاراستىرىپ جاتىر.
ايتا كەتسەك، قازاقستان توتەنشە جاعدايلار مينيسترلىگىنىڭ قۇتقارۋشىلارى جەر سىلكىنىسى سالدارىن جويۋعا كومەك كورسەتۋ ءۇشىن الماتىدان تۇركياعا اتتاندى.
ونىڭ قۇرامىندا قازاقستاننىڭ رەسپۋبليكالىق جەدەل قۇتقارۋ جاساعىنىڭ قۇتقارۋشىلارى، مەديسينالىق قىزمەتكەرلەر جانە قۇتقارۋشى يتتەر بار.
ءتيىستى تاپسىرمانى قازاقستان پرەزيدەنتى قاسىم-جومارت توقايەۆ بەردى.
تۇركيا پرەزيدەنتى رەجەپ تايىپ ەردوعان ەلدىڭ وڭتۇستىك-شىعىسىندا بولعان جويقىن جەر سىلكىنىسىنە بايلانىستى 12 اقپانعا دەيىن جەتى كۇندىك ۇلتتىق ازا تۇتۋ جاريالادى.
سوڭعى مالىمەت بويىنشا تۇركياداعى ەكى جويقىن جەر سىلكىنىسىنەن قازا تاپقاندار سانى 5834-كە جەتتى، 34 810 ادام جاراقات الدى.