تۇركيادا پرەزيدەنت سايلاۋى كەيىنگە قالدىرىلمايتىن بولدى

بۇعان دەيىن ەلدەگى جويقىن جەر سىلكىنىسىنە بايلانىستى سايلاۋ مەرزىمى وزگەرۋى مۇمكىن ەكەنى ايتىلعان

تۇركيا پرەزيدەنتى تاييپ ەردوعان 14 مامىردا ەلدە پرەزيدەنتتىك جانە پارلامەنتتىك سايلاۋ وتەتىنىن راستادى، دەپ حابارلايدى Almaty-akshamy.kz Zakon.kz-كە سىلتەمە جاساپ.

تۇركيا پرەزيدەنتى پارلامەنتتە سويلەگەن سوزىندە سايلاۋ وتەتىن كۇندى ناقتىلادى.

"14 مامىردا ءبىزدىڭ حالىق تالاپ ەتىلەتىن مىندەتىن ورىندايدى – سايلاۋدا داۋىس بەرەدى"، - دەدى تاييپ ەردوعان.

بۇعان دەيىن ەلدەگى جويقىن جەر سىلكىنىسىنە بايلانىستى سايلاۋ مەرزىمى وزگەرۋى مۇمكىن ەكەنى ايتىلعان ەدى.

تۇركيادا 6 اقپاندا بولعان تابيعي اپات 14 ميلليون تۇرىك ازاماتىنا تىكەلەي اسەر ەتتى.

تۇركياداعى جەر سىلكىنىسىنەن قازا تاپقاندار سانى سوڭعى مالىمەتتەر بويىنشا 45 089-عا جەتتى.

6 اقپاندا تۇركيا مەن سيريادا كۇشتى جەر سىلكىنىسى بولدى. 27 اقپاندا تۇركيادا  ماگنيتۋداسى 5،6 بولعان تاعى ءبىر جەراستى ءدۇمپۋى تىركەلدى. بۇل جولى قيراعالى تۇرعان 29 عيمارات قۇلادى. دۇيسەنبى كۇنى كەشكە جارالانعاندار سانى 110-عا جەتتى، ءبىر ادام قايتىس بولدى. ءۇيىندى استىنان 32 ادام قۇتقارىلدى.