فرانسۋزدىق Evolution كومپانياسىمەن بىرلەسكەن گەنەتيكالىق ورتالىق قۇرۋ جوباسى پىسىقتالىپ جاتىر
ق ر اۋىل شارۋاشىلىعى ءمينيسترى ەربول قاراشوكەيەۆ فرانسياعا ساپارى اياسىندا حالىقارالىق اۋىل شارۋاشىلىعى كورمەسىنە (SIA) قاتىستى. قازاقستان رەسپۋبليكاسىنىڭ فرانسياداعى ەلشىلىگىنىڭ باستاماسىمەن پاريجگە وتاندىق اگروبيزنەس وكىلدەرىنەن قۇرالعان قازاقستاندىق دەلەگاسيا كەلدى، دەپ حابارلايدى Almaty-akshamy.kz.
Salon International de l ' Agriculture – بۇل اگرارلىق فرانسيانىڭ ۆيزيت كارتوچكاسى، كورمە اوك-نىڭ بارلىق سالالارىن قامتيدى. وعان جىل سايىن الەمنىڭ تۇكپىر-تۇكپىرىنەن 700 مىڭعا جۋىق ادام كەلەدى. Ѕءىا الاڭىندا قازىرگى زامانعى اگروتەحنولوگيالار مەن ءىرى قارا مالدىڭ جوعارى ءونىمدى تۇقىمدارى كورسەتىلىپ قانا قويماي، اۋىل شارۋاشىلىعى سەكتورىنىڭ جەتەكشى ماماندارىنىڭ تاجىريبە الماسۋى ءجۇرىپ جاتىر.
Ѕءىا-2023 الاڭدارىندا قازاقستاننىڭ اشم باسشىسى فرانسۋز ارىپتەستەرىمەن جانە ءىرى ەۋروپالىق كومپانيالاردىڭ باسشىلارىمەن بىرنەشە كەزدەسۋ وتكىزدى.
فرانسيانىڭ اۋىل شارۋاشىلىعى جانە ازىق-تۇلىك ەگەمەندىگى ءمينيسترى مارك فەنومەن كەلىسسوزدەر بارىسىندا اگرارلىق سالادا ەكىجاقتى سەرىكتەستىكتى ارتتىرۋ تۋرالى ءسوز بولدى.
ەربول قاراشوكەيەۆ مال شارۋاشىلىعى سالاسىنداعى جوبالاردى دامىتۋعا قازاقستاندىق تاراپتىڭ قىزىعۋشىلىعىن اتاپ ءوتتى. "اتاپ ايتقاندا، فرانسۋزدىق Evolution كومپانياسىمەن بىرلەسكەن گەنەتيكالىق ورتالىق قۇرۋ جوباسى پىسىقتالىپ جاتىر. جاڭا كاسىپورىن قازاقستاندا مال شارۋاشىلىعى گەنەتيكاسىنىڭ دامۋىنا سەرپىن بەرەدى"، - دەپ اتاپ ءوتتى مينيستر.
ول سونداي-اق «كازبيوفارم» قازاقستاندىق حولدينگىنىڭ Boehringer Ingelheim كومپانياسىمەن ۆەتەريناريالىق ۆاكسينالار شىعارۋ جونىندەگى بىرلەسكەن جوباسىن ىسكە اسىرۋ بارىسى تۋرالى ايتىپ بەردى.
مينيستر دۇنيەجۇزىلىك جانۋارلار دەنساۋلىعى ۇيىمىنىڭ (ددسۇ) باس ديرەكتورى مونيك ەلۋامەن كەزدەسۋدە قازاقستاننىڭ ۆەتەريناريا سالاسىنداعى ءبىرقاتار پروبلەمالىق ماسەلەلەردى ايتتى. اتاپ ايتقاندا، ءبىزدىڭ ەلىمىزدە اۋسىلعا قارسى ۆاكسينا ءوندىرۋ جوباسى، سونداي-اق قازاقستانمەن شەكارالاس ەلدەردە مال شارۋاشىلىعى ونىمدەرى ساۋداسىنىڭ قاۋىپسىزدىگى تالقىلاندى.
سونىمەن بىرگە، ەربول قاراشوكەيەۆ ءبىرقاتار ءىرى ەۋروپالىق كومپانيالاردىڭ، سونىڭ ىشىندە فرانسيانىڭ Medef الەمىندەگى بيزنەس وكىلدىگىنىڭ، فرانسيانىڭ قوعامدىق تاماقتاندىرۋ كاسىپورىندارى فەدەراسياسىنىڭ (FICT)، Lactalis حالىقارالىق ءسۇت كونسەرنىنىڭ باسشىلارىمەن كەزدەستى. اۋىل شارۋاشىلىعى ءمينيسترى فرانسۋز سەرىكتەستەرىن قازاقستان اۋماعىندا استىقتى تەرەڭ وڭدەۋ، بالالار تاعامىن جانە باسقا دا ونىمدەردى ءوندىرۋ جونىندەگى جوبالاردى ىسكە اسىرۋعا شاقىردى.
ايتا كەتەيىك، فرانسيا قازاقستان ەكونوميكاسىنا ءىرى ينۆەستور جانە نەگىزگى ساۋدا سەرىكتەسى بولىپ قالا بەرەدى. قازاقستان مەن فرانسيا اراسىنداعى اوك ءونىمىنىڭ تاۋار اينالىمى 2022 جىلى 64،1 ملن دوللاردى قۇرادى، ءوسىم 2021 جىلمەن سالىستىرعاندا 17،4% قۇرادى.