كينوفەستيۆالگە 13 ەلدەن بارلىعى 42 كينوتۋىندى قاتىسادى
2021 جىلى قاراشانىڭ 8-12 ارالىعىندا ىستانبۇلدا وتەتىن Korkut Ata Turkic World Film Festival كينوفەستيۆالىنىڭ اشىلۋ سالتاناتىندا «توميريس» كوركەم ءفيلمى كورسەتىلەدى. بۇل تۋرالى كينوتۋىندىنىڭ رەجيسسەرى اقان ساتايەۆ ءوزىنىڭ ينستاگرامداعى پاراقشاسىندا جازدى، دەپ حابارلايدى Almaty-akshamy.kz.
ايتا كەتسەك، ق ر مادەنيەت جانە سپورت مينيسترلىگى تاپسىرىسى بويىنشا Sataifilm كومپانياسىنىڭ قاتىسۋىمەن «قازاقفيلم» كينوستۋدياسى تۇسىرگەن قازاقستاندىق تۋىندى بيىل قىركۇيەك ايىندا تۇركيادا پروكاتقا شىعىپ، 200-دەن استام كينوتەاتردا كورسەتىلگەن بولاتىن.
تۇركيادا العاش رەت وتكىزىلىپ وتىرعان Korkut Ata كينوفەستيۆالىندە بيىل 13 ەلدەن بارلىعى 42 كينوتۋىندى قاتىسادى. فەستيۆال شەڭبەرىندە قازاقستان، ءازىربايجان، قىرعىزستان، وزبەكستان، تاتارستان سىندى تۇركى الەمى ەلدەرىنىڭ كينوگەرلەرى ءتۇرلى جانردا، سونىڭ ىشىندە تاريحي، فانتاستيكا، دەرەكتى جانە انيماسيا جانرىندا تۇسىرىلگەن ۇزدىك تۋىندىلارىن ۇسىناتىن بولادى.
ەلىمىزدىڭ اتىنان اتالعان فەستيۆالگە بىرنەشە فيلمدەر قاتىسادى. فەستيۆالدىڭ باستى بايقاۋلارىنىڭ ءبىرى – كوركەم فيلمدەر باعدارلاماسىندا رۇستەم ابدىراشيەۆتىڭ «قازاق حاندىعى. التىن تاق» كوركەم ءفيلمى، ال دەرەكتى فيلمدەر بايقاۋىندا رەجيسسەر باقىت قايىربەكوۆتىڭ «قۇتىدا جانعان الاۋ» ءفيلمى ب ا ق سىنايدى. ال انيماسيالىق فيلمدەر بايقاۋىندا اداي ابەلدينوۆتىڭ «كۇلتەگىن» تاريحي تولىقمەتراجدى انيماسيالىق ءفيلمى كورسەتىلەدى.
سونىمەن قاتار، فەستيۆالدىڭ تاريحي تۋىندىلارىنا ارنالعان باعدارلاماسىندا ساتىبالدى نارىمبەتوۆتىڭ «امانات» ءفيلمى كورسەتىلسە، ال «زاماناۋي فانتاستيكا» بايقاۋىندا كورەرمەندەرگە «بەگارس ەلۋبايدىڭ «وازيس» ءفيلمى ۇسىنىلاتىن بولادى.
تۇركيادا وتەتىن فەستيۆالگە قازاقستاننىڭ حالىق ءارتيسى ءاسانالى ءاشىموۆ، «قازاقفيلم» كينوستۋدياسىنىڭ پرەزيدەنتى اقان ساتايەۆ، كينوستۋديانىڭ ءوندىرىس بويىنشا ۆيسە-پرەزيدەنتى ايدار باتالوۆ، «ۇلتتىق كينونى قولداۋ مەملەكەتتىك ورتالىعى» كەق باس پروديۋسەرى اداي ءابىلدينوۆ، قازاقستاننىڭ ەڭبەك سىڭىرگەن قايراتكەرى بەرىك ايتجانوۆ، اكتريسالار الميرا تۇرسىن جانە ارۋجان جازىلبەكوۆا، رەجيسسەر نۇرعيسا ءالمۇرات، پروديۋسەر نۇرلان قويانبايەۆ جانە باسقالارى قاتىساتىندارى بەلگىلى بولدى.