جاۋىنگەرلەر «سودىرلار» ورنالاسقان عيماراتقا شابۋىل جاسايدى
قازاقستان رەسپۋبليكاسى قارۋلى كۇشتەرىنىڭ اسكەري قىزمەتشىلەرى ۇقشۇ بىتىمگەرشىلىك كۇشتەرىمەن وقۋ-جاتتىعۋلارعا قاتىسۋ ءۇشىن رەسەي فەدەراسياسىنا باردى، دەپ حابارلايدى Almaty-akshamy.kz.
وقۋ-جاتتىعۋدىڭ اشىلۋى ءراسىمى 8 قاراشادا قازانداعى جۋكوۆ قىزىل تۋ وردەنى جوعارى كوماندالىق تانك ۋچيليششەسىنىڭ پوليگونىندا وتەدى. وقۋ-جاتتىعۋدىڭ نەگىزگى مىندەتى – بەيبىتشىلىكتى قولداۋ جونىندەگى وپەراسيالاردى جۇرگىزۋدە ۇقشۇ ۇجىمدىق بىتىمگەرشىلىك كۇشتەرىنىڭ قۇرامىنا كىرەتىن اسكەري بولىمدەر مەن بولىمشەلەردىڭ ۇيلەسىمدىلىگىن ارتتىرۋ.
ۇقشۇ ۇجىمدىق كۇشتەرىنىڭ توپتارى الدىندا بىتىمگەرشىلىك وپەراسيانى دايىنداۋ جانە جۇرگىزۋ بويىنشا تاپسىرمالاردى پىسىقتاۋ مىندەتى تۇر. بىتىمگەرلەردىڭ وقۋ-جاۋىنگەرلىك تاپسىرمالارىنا بوسقىندار لاگەرىندە جۇمىس ىستەۋ، گۋمانيتارلىق جۇگى بار لەكتەردى الىپ ءجۇرۋ، داعدارىس اۋدانىندا ورنالاسقان ەلدى مەكەندى وقشاۋلاۋ جانە توسقاۋىل بەكەتتەرىندە قىزمەت ۇيىمداستىرۋ كىرەدى.
«وقۋ-جاتتىعۋدىڭ قورىتىندى بولىگىندە ۇجىمدىق كۇشتەردىڭ توپتارى جاۋىنگەرلىك بولىمشەلەرمەن «سودىرلار» ورنالاسقان عيماراتقا شابۋىل جاسايدى، «كەپىلگە الىنعان ادامداردى» بوساتادى جانە زارداپ شەككەندەرگە كومەك كورسەتەدى،-دەلىنگەن حابارلامادا.
وقۋ-جاتتىعۋعا باقىلاۋشى رەتىندە سەربيا رەسپۋبليكاسى مەن حالىقارالىق قىزىل كرەست كوميتەتىنىڭ وكىلدەرى شاقىرىلدى.