ۇلتتىق جوبا 2021-2025 جىلدارعا ارنالعان
ەلوردادا قازاقستان قوعامىنىڭ مادەنيەتىن، اعارتۋ جانە ۇلتتىق رۋح دەڭگەيىن ارتتىرۋعا باعىتتالعان «ۇلتتىق رۋحاني جاڭعىرۋ» جوباسىنىڭ باعىتتارى جانە ىسكە اسىرۋ تەتىكتەرىن ءتۇسىندىرۋ جونىندەگى ونلاين سەمينار-كونفەرەنسيا ءوتتى، دەپ حابارلايدى Almaty-akshamy.kz.
جيىنعا نۇر-سۇلتان، الماتى، شىمكەنت قالالارىنىڭ ىشكى ساياسات باسقارمالارى جانە «رۋحاني جاڭعىرۋ» وڭىرلىك جوبالىق كەڭسەلەرى باسشىلارى قاتىستى. 2021-2025 جىلداردى قامتيتىن ۇلتتىق جوبا: رۋحاني جاڭعىرۋ قۇندىلىقتارىن ىلگەرىلەتۋ جانە مەملەكەتتىك ءتىلدى دامىتۋ؛ «ەل رۋحى» - مادەني شارالار كەشەنى؛ «تاۋەلسىزدىك ۇرپاقتارى» - جاستار ءۇشىن جاڭا مۇمكىندىكتەر جاساۋ سياقتى ءۇش باعىت بويىنشا ىسكە اسىرىلادى.
«ۇلتتىق رۋحاني جاڭعىرۋ» جوباسىنىڭ باستى ماقساتى ۇلتتىق-مادەني بىرەگەيلىكتى ساقتاۋ جانە مادەني ونىمدەردى ىنتالاندىرۋ، ولاردىڭ ساپاسى مەن الۋان تۇرلىلىگىن ارتتىرۋ ارقىلى ءاربىر قازاقستاندىقتىڭ كوركەمدىك-شىعارماشىلىق الەۋەتىن ىسكە اسىرۋ، سونداي-اق جاس ۇرپاقتىڭ بويىندا رۋحاني ادامگەرشىلىك قۇندىلىقتاردى قالىپتاستىرۋ.
قازاقستاندىق بىرەگەيلىك پەن زياتكەرلىك الەۋەتتى دامىتۋ، مەملەكەتتىك ءتىلدى دامىتۋ ءۇشىن جاعداي جاساۋ، مادەنيەت سالاسىندا قولجەتىمدىلىك پەن ساپانى ارتتىرۋ، وتاندىق مادەني ءونىمدى ناسيحاتتاۋ، جاستار ءۇشىن جاڭا مۇمكىندىكتەردى دامىتۋ، NEET ساناتىنداعى جاستاردى الەۋمەتتەندىرۋ، جاستاردى قوعامدىق-پايدالى قىزمەتكە تارتۋ جوبانىڭ نەگىزگى ماندەتتەرىن قۇرايدى.
كونفەرەنسيا بارىسىندا باعىتتار بويىنشا باياندامالار جاسالىپ، جوبا اياسىندا تۋىنداعىن سۇراقتار بويىنشا پىكىرلەر ايتىلدى.
الداعى ۋاقىتتا جالپى ۇلتتىق جوبانىڭ ءاقپاراتتىق-تۇسىندىرۋ جۇمىستارى بويىنشا ادىستەمەلىك قۇرال دايىندالىپ، وڭىرلەرگە تاراتىلماق.