وسى كۇنگە دەيىن مايمىل شەشەگى 50 ەلگە جەتىپ، 3413 ادام دەرتكە شالدىققان.
تۇركيادا مايمىل شەشەگىن جۇقتىرۋدىڭ العاشقى فاكتىسى تىركەلدى، دەپ حابارلايدى Almaty-akshamy.kz Inbusines.kz سىلتەمە جاساپ.
«مايمىل شەشەگىن ازاماتتارىمىزدىڭ ءبىرى جۇقتىردى. ناۋقاس 37 جاستا، يممۋندىق جۇيەسىنىڭ جەتىسپەۋشىلىگى بار. ول ءقازىر وقشاۋلانعان. ديناميكالىق باقىلاۋ جۇرگىزىلدى»، – دەدى دەنساۋلىق ساقتاۋ ءمينيسترى فاحرەتتين كودجا.
ول قاي قالادا ينفەكسيا تىركەلگەنىن جاريالامادى.
دۇنيەجۇزىلىك دەنساۋلىق ساقتاۋ ۇيىمىنىڭ دەرەگىنشە، وسى كۇنگە دەيىن مايمىل شەشەگى 50 ەلگە جەتىپ، 3413 ادام دەرتكە شالدىققان. دەگەنمەن ۇيىم بۇل اۋرۋ حالىقارالىق دەنساۋلىق ساقتاۋ سالاسىنداعى توتەنشە جاعداي بولىپ سانالمايدى دەگەن پىكىردە.