قازاقستاندىق ەكونوميكا ءۇشىن زالالعا جەدەل دەن قويۋ ءۇشىن جاسالىپ وتىر.
مەملەكەتتىك كىرىستەر كوميتەتى تاۋارلاردىڭ وتكىزىلۋىن باقىلاۋ شارالارى تۋرالى ايتتى، دەپ حابارلايدى Almaty-akshamy.kz Egemen.kz سىلتەمە جاساپ..
2022 جىلدىڭ ناۋرىز ايىنان باستاپ جەكەلەگەن ەلدەر رەسەي فەدەراسياسىنا قاتىستى سانكسيالاردى، ونىڭ ىشىندە رەسەي فەدەراسياسىنا تاۋارلاردىڭ بەلگىلى ءبىر تۇرلەرىن جەتكىزۋگە تىيىم سالعان ەدى.
مۇنداي تاۋارلاردىڭ باسقا ەلدەر ارقىلى جەتكىزىلگەنى انىقتالعان كەزدە ەلدەرگە قاتىستى قايتالاما سانكسيالار قولدانىلۋى مۇمكىن.
بۇل رەتتە قازاقستاننىڭ نەگىزگى ساۋدا سەرىكتەستەرىنىڭ ءبىرى رەتىندە رەسەي فەدەراسياسىمەن تىعىز ساۋدا-ەكونوميكالىق قاتىناستاردى ەسكەرە وتىرىپ، تۋىنداعان تاۋەكەلدەردى ەسكەرمەۋگە بولمايدى.
قازاقستاندىق ەكونوميكا ءۇشىن زالالعا جەدەل دەن قويۋ جانە جول بەرمەۋ ءۇشىن ق ر قم مەملەكەتتىك كىرىستەر كوميتەتى سانكسيالىق تىزىمدەرگە كىرەتىن تاۋارلاردىڭ يمپورتى مەن ەكسپورتىنا تۇراقتى مونيتورينگ جۇرگىزەدى.
اتالعان تاۋارلاردى قازاقستان رەسپۋبليكاسىنان رەسەي فەدەراسياسىنا اكەتۋ كەزىندە مەملەكەتتىك كىرىستەر ورگاندارىنىڭ ەلەكتروندىق شوت-فاكتۋرانى كۋالاندىرۋ تەتىگى ىسكە قوسىلعان، بۇل تاۋاردىڭ شىعارىلعان ەلىن ايقىنداۋعا مۇمكىندىك بەرەدى.
باقىلاۋدىڭ بۇل تەتىگى كەدەندىك باجداردىڭ ستاۆكالارى ەاەو ءبىرىڭعاي كەدەن تاريفىندە بەلگىلەنگەننەن تومەن نەمەسە «الىپ قويۋ تاۋارلارى» دەپ اتالاتىن قازاقستان رەسپۋبليكاسىنىڭ اۋماعىنان تاۋارلاردى اكەتۋگە جول بەرمەۋ ماقساتىندا ەۋرازيالىق ەكونوميكالىق وداقتىڭ كەدەندىك اۋماعىنا تاۋارلاردى اكەلۋ مەن ولاردىڭ اينالىمىنىڭ كەيبىر ماسەلەلەرى تۋرالى بۋراباي حاتتاماسى شەڭبەرىندە دە قولدانىلادى.
ماسەلەن، قاڭتار-مامىر ايلارىندا رەسەي فەدەراسياسىمەن تاۋار اينالىمى وتكەن جىلمەن سالىستىرعاندا ايتارلىقتاي وزگەرىستەر بايقالعان جوق.
بۇل رەتتە تابيعي ۋران، بولاتتان جاسالعان تۇتاس تاپتامالى دوڭگەلەكتەر جانە ديزەل وتىنى سياقتى جەكەلەگەن تاۋار پوزيسيالارى بويىنشا، ياعني ەكسپورت ءۇشىن ءداستۇرلى بولىپ تابىلاتىن قازاقستاندىق ءوندىرىستىڭ تاۋارلارى بويىنشا، ونىڭ ىشىندە رەسەي فەدەراسياسىنا ەكسپورتتىڭ ءوسۋى بايقالادى.
وسىلايشا، تاۋارلاردىڭ جەكەلەگەن توپتارىنىڭ رەسەي فەدەراسياسىنا ەكسپورتىنىڭ وسۋىنە قاراماستان، سانكسيالىق تىزىمگە كىرەتىن تاۋارلاردى قازاقستان رەسپۋبليكاسى ارقىلى كەرى ەكسپورتتاۋ فاكتىلەرى بايقالمايدى.