تۇركيادا ۆيرۋس جۇقتىرعانداردىڭ جالپى سانى 7 851 805 ادامعا دەيىن ءوستى. مۇنداي دەرەكتەردى ەلدىڭ دەنساۋلىق ساقتاۋ مينيسترلىگى جاريالادى، دەپ حابارلايدى almaty-akshamy.kz baq.kz سىلتەمە جاساپ.
ال پاندەميا قۇرباندارىنىڭ سانى 69 112 ادامعا دەيىن ءوستى، ولاردىڭ 195ء-ى وتكەن تاۋلىكتە قايتىس بولدى.
تۇركيادا COVID-19 ۆيرۋسىنا قارسى جاپپاي ۆاكسيناسيا 14 قاڭتاردا باستالدى. سوڭعى دەرەكتەرگە سايكەس، بۇگىنگى كۇنى ۆاكسينالاردىڭ 115 040 699 دوزاسى قولدانىلعان.
ال افريكادا ينفەكسيا جۇقتىرۋدىڭ جالپى سانى 8،5 ميلليونعا جۋىق، دەپ حابارلادى افريكا اۋرۋلاردى باقىلاۋ جانە الدىن الۋ ورتالىعى (Africa CDC). پاندەميا باستالعاننان بەرى كوز جۇمۋ جاعدايلارىنىڭ سانى 216 830 ادامعا جەتتى.
ۆيرۋس جۇقتىرعانداردىڭ ەڭ كوپ سانى - وڭتۇستىك افريكا رەسپۋبليكاسى، ماروككو، تۋنيس جانە ەفيوپيا وڭىرلەرىندە. وسىلايشا، ايماقتار بويىنشا وڭتۇستىك افريكا كوش باستاپ تۇر.
ەكىنشى جانە ءۇشىنشى ورىنداردى سولتۇستىك افريكا مەن شىعىس افريكا الادى. افريكا CDC دەرەكتەرى بويىنشا كونتينەنتتىڭ ورتالىق بولىگى پاندەميادان از زارداپ شەككەن ايماقتار قاتارىندا.