«سيفرلىق قۇجاتتار» سەرۆيسىن 5 ميلليوننان استام قازاقستاندىق پايدالانادى
جىل باسىندا بۇل كورسەتكىش 5 پايىز بولسا، كۇزدە 36 پايىزعا جەتكەن. بۇل تۋرالى بۇگىن ماجىلىستەگى ۇكىمەت ساعاتىندا سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين ايتتى، دەپ حابارلايدى Almaty-alshamy.kz
جالپى، ءقازىر قازاقستاندا مەملەكەتتىك قىزمەتتەردىڭ 90 پايىزى ەلەكتروندىق فورماتتا كورسەتىلەدى. مەملەكەتتىك قىزمەتتەردى تەك eGov پورتالىندا جانە حالىققا قىزمەت كورسەتۋ ورتالىعىندا عانا ەمەس، باسقا ارنالار مەن پلاتفورمالار ارقىلى دا الۋى ءۇشىن شارا قابىلدانىپ جاتىر.
حالىق سمارتفونداعى ءموبيلدى پلاتفورمانى دا كەڭىنەن پايدالانا باستادى. بۇنىڭ ءبارى ارتىق كەدەرگىلەر مەن قاعازباستىلىقتى بولدىرماۋ ءۇشىن جاسالۋدا.