ونىڭ ىشىندە 626 مىڭنان استام الماتىلىق ونلاين حالىق ساناعىنان ءوتتى.
ۇلتتىق ساناقتىڭ اياقتالۋىنا بەس كۇن قالدى. بۇگىنگى تاڭدا 626 مىڭنان استام الماتىلىق ونلاين حالىق ساناعىنان ءوتتى، دەپ حابارلايدى Almaty-akshamy.kz
ساناقتىڭ ۆيرتۋالدى پاراعىن sanaq.gov.kz سايتىندا، egov.kz پورتالى مەن «ايتۋ» ءموبيلدى قوسىمشاسى ارقىلى تولتىرۋعا بولادى، دەپ حابارلادى ۇلتتىق ستاتيستيكا بيۋروسىنىڭ باسپا ءسوز قىزمەتى. بۇل مۇمكىندىك 30 قازانعا دەيىن ۇزارتىلدى.
بۇگىن قازاقستاندىقتاردىڭ 40 پايىزدان استامى ونلاين ساۋالناما تولتىردى. سونىمەن قاتار، ساناق جۇرگىزەتىن ينتەرۆيۋەرلەر ءۇي-ۇيدى ارالاۋدى جالعاستىرۋدا. ونىڭ ناتيجەسى كەيىنىرەك بەلگىلى بولادى.
ۇلتتىق ستاتيستيكا بيۋروسىنىڭ قالالىق دەپارتامەنتى الماتىلىقتار مەن قالا قوناقتارىن ءۇي ارالاپ، ساناق جۇرگىزەتىن ينتەرۆيۋەر-ساناق جۇرگىزۋشىلەردىڭ جۇمىسىنا تۇسىنىستىكپەن قاراۋعا شاقىرادى.