اپات سالدارىن جويۋدا بارلىعى 141 مىڭنان استام ادام جۇمىلدىرىلعان
تۇركيا پرەزيدەنتى رەجەپ تايىپ ەردوعان ەلىندە جەر سىلكىنىسى سالدارىنان قازا تاپقاندار سانى 19 مىڭنان اسقانىن جەتكىزدى، دەپ حابارلايدى Almaty-akshamy.kz Zakon.kz-كە سىلتەمە جاساپ.
ەردوعان مالاتيا پروۆينسياسىندا بريفينگ وتكىزدى.
"جەر سىلكىنىسى وشاعىندا بولعان 10 ەلدىمەكەندە 19 388 ادام قازا تاپتى. زارداپ شەككەندەردىڭ سانى - 77 711"، - دەدى ول.
ەردوعاننىڭ ايتۋىنشا، باسقا ەلدەن كەلگەن قۇتقارۋشى توپتاردى قوسا ەسەپتەگەندە، اپات سالدارىن جويۋدا بارلىعى 141 مىڭنان استام ادام جۇمىلدىرىلعان.
6 اقپاندا تاڭەرتەڭ تۇركيادا قاتتى جەر سىلكىنىسى بولدى. 7،8 بالدىق تاعى ءبىر ءزىلزالا كەيىنىرەك تۇركيانىڭ ورتالىق بولىگىندە تىركەلدى.
جەر سىلكىنىسى كەزىندە تۇركيادا بولعان قازاقستاندىق سابينا مامادياروۆا ۇيىندىلەردىڭ استىندا قالعان. ول امان-ەسەن تابىلدى، ونىڭ قولى سىنعانى بەلگىلى. تاعى ەكى وتانداسىمىز - ادىلەت قادىربەكوۆ پەن ميربولات قۇرماشيەۆ، وكىنىشكە قاراي، ءولى تابىلدى.