توتەنشە جاعدايلار مينيسترلىگى «سەيسمولوگيالىق تاجىريبە-ادىستەمە ەكسپەديسياسى» ج ش س سەيسميكالىق ستانسيالار جەلىسى 10 اقپان كۇنى الماتى ۋاقىتىمەن 18.35-تە جەر سىلكىنىسىن تىركەدى، دەپ حابارلايدى Almaty-akshamy.kz.
«ءزىلزالا وشاعى الماتىدان سولتۇستىك-شىعىسقا قاراي 928 شاقىرىم قاشىقتىقتا، قازاقستان مەن رەسەي شەكاراسىندا ورنالاسقان. ەنەرگەتيكالىق كلاسى – 9.8. MPV ماگنيتۋداسى – 4.4. ەپيسەنتر كوورديناتتارى – 49.06° س.ە. 85.45° ش.ب. تەرەڭدىگى – 10 شاقىرىم. سەزىلگەنى جايلى اقپارات (MSK-64 شكالاسى بويىنشا) جوق»، - دەلىنگەن حابارلامادا.