اداناداعى قوقىس وڭدەۋ زاۋىتىندا بەلگىسىز سەبەپتەرمەن ءورت شىقتى. جالىن كوسمەتيكا فابريكاسى مەن باسقا دا كاسىپورىندارعا جىلدام تارادى، دەپ حابارلايدى Almaty-akshamy.kz «انادولى» اگەنتتىگىنە سىلتەمە جاساپ.
حابارلاما الىنعاننان كەيىن ءورت شىققان ايماققا جەدەل جاردەم بريگادالارى، پوليسيا جانە ءورت ءسوندىرۋ بولىمشەلەرى جىبەرىلگەن.
ورتتەن 18 كاسىپورىن زارداپ شەكتى.
ادانا گۋبەرناتورى سۇلەيمان ەلبان جۋرناليستەرگە ءورتتىڭ از ۋاقىت ىشىندە باسقا كاسىپورىندارعا تاراعانىن ايتتى. وڭىرگە جاقىن ماڭداعى پروۆينسيالاردىڭ ءورت سوندىرۋشىلەرى دە كەلە باستادى.
«ءبىر قۋانتارلىعى – ادام شىعىنى جوق. ورتتەن زارداپ شەككەن كاسىپورىن سانى – 18»، - دەدى ەلبان.
جالىندى اۋىزدىقتاۋ جۇمىستارى جالعاسىپ جاتىر. وقيعا سەبەبى انىقتالۋدا.