پرەمەر-مينيستردىڭ ورىنباسارى – ساۋدا جانە ينتەگراسيا ءمينيسترى سەرىك جۇمانعارين قىتايعا ساپارمەن بارادى. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ اپتالىق بريفينگىدە ايتتى، دەپ حابارلايدى Almaty-akshamy.kz.
«2023 جىلعى 13-17 تامىزدا تاۋار اينالىمىن ۇلعايتۋ جانە جۇڭگو تاراپىمەن ساۋدا-ەكونوميكا بايلانىستارىن جولعا قويۋ ماقساتىندا ق ر پرەمەر-مينيسترىنىڭ ورىنباسارى – ساۋدا جانە ينتەگراسيا ءمينيسترى سەرىك ءجۇمانعاريننىڭ جۇڭگو حالىق رەسپۋبليكاسىنىڭ – شەنچجەن، شاندۋن، بەيجىڭ جانە ءۇرىمشى قالالارىنا جۇمىس ساپارى جوسپارلانۋدا»، - دەدى رەسمي وكىل.
ساپار اياسىندا بىرلەسكەن كاسىپورىندار قۇرۋ، ەت ونىمدەرىنىڭ ەكسپورتىن ۇلعايتۋ، ينۆەستيسيالار تارتۋ جانە كولىك-لوگيستيكا ىنتىماقتاستىعى سالاسىندا ەكىجاقتى كەلىسسوزدەر جۇرگىزۋ جوسپارلانۋدا.
سونىمەن بىرگە قازاقستاندىق دەلەگاسيا ءۇرىمشى قالاسىندا وتەتىن «قىتاي-ەۋرازيا» ەكسپو حالىقارالىق كورمەسىنە بارادى.