يران پرەزيدەنتىنىڭ قازاسىنا بايلانىستى تۇركيادا دا ازا تۇتۋ كۇنى جاريالاندى.
ەل پرەزيدەنتى رەجەپ تايىپ ەردوعان ۇكىمەت وتىرىسىندا كورشىلەس يران حالقىنىڭ قايعىسىن ءبولىسۋ ءۇشىن ءبىر كۇندىك ۇلتتىق ازا تۇتۋ جاريالاناتىنىن ايتتى، دەپ حابارلايدى Almaty-akshamy.kz.
ياعني بۇگىن تۇركيا اۋماعىندا مەملەكەتتىك تۋلار تومەن تۇسىرىلەدى. پرەزيدەنت يبراحيم رايسي مەن ۇكىمەت مۇشەلەرى مىنگەن تىكۇشاقپەن بايلانىس ۇزىلگەن سوڭ، يران بيلىگى تۇركيادان ىزدەۋ-قۇتقارۋ جۇمىستارى ءۇشىن كومەك سۇراعان ەدى. وقيعا بولعان ايماققا ۇشىپ شىققان تۇرىكتىڭ «بايراكتار اكىنجى» ۇشقىشسىز اپپاراتى جەتى جارىم ساعات اۋەدە ءجۇرىپ اپات ورنىن العاش بولىپ انىقتادى،-دەپ حابارلايدى قازاقستان تەلەارناسى.
"يران ءبىزدىڭ شەكارالاس كورشىمىز، ال يران حالقى باۋىرىمىز. عاسىرلار بويى ءبىر وڭىردە بەيبىت، ءتاتۋ-تاتتى تۇرىپ كەلەمىز. ءبىز پالەستينا ماسەلەسىندەگى يراننىڭ باتىل قادامدارىن باعالايمىز. استانا پروسەسى باستالعالى وڭىردەگى ماسەلەلەردى شەشۋ ءۇشىن دە يرانمەن تىعىز بايلانىستامىز. يرانعا سالىنعان ءبىرجاقتى ەمبارگولارعا قاتىسپاي، كورشىلىك حاقىمىزدى ساقتاپ كەلەمىز"،-دەدى تۇركيا پرەزيدەنتى رەجەپ تايىپ ەردوعان.