سايران كولى الماتى تۇرعىندارى مەن قوناقتارى ءۇشىن تارتىمدى جانە ءقاۋىپسىز ورىنعا اينالادى. مەگاپوليس اكىمى ەربولات دوسايەۆتىڭ تاپسىرماسى بويىنشا مۇندا نەگىزگى سۋ ايدىنىنىڭ كەلبەتى مەن فۋنكسيونالدىعىن وزگەرتۋ بويىنشا اۋقىمدى جوبا قولعا الىنۋدا.
قالا باسشىسى سۋ قويماسىنىڭ ىرگەلەس اۋماعىن رەكونسترۋكسيالاۋ جانە اباتتاندىرۋ جۇمىستارىنىڭ بارىسىمەن جەكە ءوزى تانىستى. ەربولات دوسايەۆ بارلىق جۇمىستار اياقتالعاننان كەيىن سايران كولى الماتىنىڭ پوليورتالىقتارىنىڭ برونە اينالاتىنىن، وندا قالا تۇرعىندارى ماۋسىمعا قاراماستان بالالارمەن بىرگە ۋاقىت وتكىزە الاتىنىن اتاپ ءوتتى، دەپ حابارلايدى Almaty-akshamy.kz.
الماتى اكىمىنە جوبانى لاندشافت ساۋلەتشىسى نەللي لاپتيەۆا تانىستىردى. ونىڭ ايتۋىنشا، قازىرگى ۋاقىتتا وسى ۋچاسكەدە قولدا بار كونسترۋكسيالار مەن شاعىن ساۋلەت پىشىندەرىن بولشەكتەۋ اياقتالدى. جوباعا سايكەس باتىس جانە شىعىس كىرەبەرىس توپتارىنىڭ اركالارىن جوندەۋ قاراستىرىلعان، وندا قورشاۋلارى بار جاياۋ جۇرگىنشىلەرگە ارنالعان تاس جولدار سالىنادى. سولتۇستىك جانە وڭتۇستىك جاعالاۋلاردا تىرەۋ قابىرعالارى جانە ۇزىندىعى 250 جانە 150 مەتر بولاتىن ەكى پونتوندىق جاياۋ جۇرگىنشىلەر وتكەلى بولادى.
سونىمەن قاتار، جاعاجاي ايماقتارىنا جاڭا قۇم توسەلەدى. كەلۋشىلەرگە ىڭعايلى بولۋ ءۇشىن ىرگەلەس اۋماقتا: ورىندىقتار، ۋرنالار، بار ۇستەلدەرىمەن پەرگولالار، فۋدكورت پايدا بولادى. بەلسەندى دەمالىس ءۇشىن روللەردرومى بار سكەيتپارك، ترەناجەرلار، پاركۋرعا ارنالعان ورىن، ۆەلوپارك، تەننيس كورتتارى جانە بالالار قالاشىعى جاسالادى.
اۋماقتى كوگالداندىرۋعا ەرەكشە نازار اۋدارىلادى: 4 مىڭعا جۋىق اعاش، 7 مىڭ شارشى مەتر جاسىل جەلەكتەن جاسالعان قورشاۋ، گۇلزارلار، 300 مىڭ شارشى مەتر ءتۇرلى شوپتەر وتىرعىزۋ جوسپارلانۋدا. سونىمەن قاتار، سايراندا العاش رەت سۋ وسىمدىكتەرى – لوتوس پايدا بولادى.
اباتتاندىرۋ جوباسىندا 5 قوعامدىق دارەتحانا مەن يتتەردى سەرۋەندەتۋگە ارنالعان قورشالعان الاڭ جاساۋ كوزدەلگەن. دەمالۋشىلاردىڭ قاۋىپسىزدىگى 2 پوليسيا پۋنكتى، 2 قۇتقارۋ بەكەتىن سالۋ ەسەبىنەن قامتاماسىز ەتىلەتىن بولادى. دەمالىس ايماعىنىڭ پەريمەترى بويىنشا بەينەباقىلاۋ كامەرالارى مەن دابىل تۇيمەلەرى ىسكە قوسىلادى.
«ءبىز ەكى جاعالاۋدان ۇزىندىعى 2،5 شاقىرىم بولاتىن ءبىرىڭعاي سەرۋەندەۋ جاعالاۋىن جاسايمىز. 250 جانە 150 مەترلىك ەكى پانتوندى وتكەل بار. جاعالاۋ ەنى 11 مەترگە ۇزارادى. تولە بي كوشەسى جاعىنان ءبىز ساياباقتى شۋدان، قۇراپ كەتۋدەن قورعايتىن جانە ونىڭ تولىق اياقتالعانىن بىلدىرەتىن اۋقىمدى جاسىل ايماق جاسايمىز. جالپى، ءبىز بەلسەندى دەمالىس ايماعىن قۇراتىن بولامىز. تەننيس الاڭىنا جانە قىسقى مۇز ايدىنىنا ارنالعان جەلىلەردى تارتاتىن بولامىز»، - دەپ اتاپ ءوتتى نەللي لاپتيەۆا.
اباتتاندىرۋ جوباسىمەن تانىسقان قالا باسشىسى كەلۋشىلەرگە ارنالعان پاركينگتى ويلاستىرۋدى، جاسىل جەلەكتەرگە دۇرىس كۇتىم جاساۋدى تاپسىردى.
اۋدان تۇرعىندارى الماتى اكىمى ەربولات دوسايەۆقا سايران كولى اۋماعىنىڭ اۋقىمدى وزگەرەتىنى ءۇشىن العىستارىن ءبىلدىردى.
«سايران تۋرالى ءبىزدىڭ وتىنىشتەرىمىزگە نازار اۋدارعانىڭىز ءۇشىن راحمەت. وتە جاقسى جوبا»، - دەدى قالا تۇرعىندارى
مەگاپوليس باسشىسى جالپىقالالىق جوبالاردىڭ باستى ماقساتى – قالانىڭ بارلىق اۋداندارىنداعى الماتىلىقتاردىڭ جايلىلىعى مەن قاۋىپسىزدىگى ەكەنىن اتاپ ءوتىپ، پوليورتالىقتاردى دامىتۋ اياسىندا مۇنداي تارتىلىس نۇكتەلەر قاتارىنىڭ ارتاتىنىن ايتتى.
جوبانى ىسكە اسىرۋ جانە جاعالاۋدى پايدالانۋعا بەرۋ كوكتەمگى وسىمدىك وتىرعىزۋدان كەيىن 2025 جىلدىڭ مامىرىنا جوسپارلانۋدا. جاڭارعان جاعالاۋ المالى جانە اۋەزوۆ اۋداندارى تۇرعىندارى ءۇشىن تارتىمدىلىق ورتالىعىنا اينالادى جانە ءبىر ۋاقىتتا مۇندا 3 مىڭنان استام ادام تىنىعا الادى دەپ بولجانۋدا.
ەسكە سالساق، الماتى اكىمىنىڭ تاپسىرماسى بويىنشا 2022 جىلى سوڭعى 50 جىل ىشىندە العاش رەت سايران سۋ قويماسىنىڭ ءتۇبى قوقىس پەن لاي شوگىندىلەردەن مەحانيكالىق تۇردە تازارتىلدى، سودان كەيىن اباتتاندىرۋ جۇمىستارى باستالدى. اباتتاندىرىلعان اۋماقتىڭ جالپى اۋدانى 46،79 گا قۇرايدى.
