تۇركيا تۋريستەرگە اقىلى ۆاكسينا سالدىرۋعا رۇقسات بەردى

جاڭا جىلدان باستاپ جەرگىلىكتى «Turkovac» ۆاكسيناسى دا قولدانىلا باستادى

تۇركيا دەنساۋلىق ساقتاۋ مينيسترلىگى تۇراقتى تۇرۋعا رۇقساتى جوق نەمەسە شەتەلدەن تۋريست رەتىندە كەلگەن ازاماتتارعا  Pfizer/BionTech نەمەسە قىتايلىق Sinovac ۆاكسيناسىن سالدىرۋعا بولاتىنىن ايتتى، دەپ حابارلايدى Almaty-akshamy.kz Baq.kz-كە سىلتەمە جاساپ.

ۆاكسينانىڭ ەكى دوزاسىنىڭ قۇنى شامامەن 30 دوللاردى قۇرايدى. ەكپەنىڭ ەكى كومپونەنتىن دە العان ازاماتتارعا حالىقارالىق سەرتيفيكات بەرىلەدى.  
نەگىزىندە تۇركيادا تۇراقتى تۇرۋعا رۇقساتى بار ءاربىر شەتەلدىك كوروناۆيرۋسقا قارسى ۆاكسينانى تەگىن الا الادى. حالىقتىڭ 84%-ى ۆاكسينانىڭ ەكى دوزاسىن سالدىرىپ ۇلگەرگەن.

جاڭا جىلدان باستاپ جەرگىلىكتى «Turkovac» ۆاكسيناسى دا قولدانىلا باستادى.

سوڭعى كۇندەرى تۇركيادا كوروناۆيرۋستىڭ «وميكرون» شتامى تەز تارالۋدا. دەنساۋلىق ساقتاۋ مينيسترلىگىنىڭ مالىمەتىنشە، 14 قاڭتاردا ءبىر تاۋلىكتە كوروناۆيرۋس جۇقتىرعاندار سانى 67 857-گە جەتكەن. ۆيرۋستان 167 ناۋقاس قايتىس بولدى. ال ىندەت جۇقتىرۋدىڭ العاشقى جاعدايى 2020 جىلدىڭ 11 ناۋرىزىندا تىركەلدى. رەسمي مالىمەت بويىنشا، تۇرىك ەلىندە ۆيرۋستان 82 361 ادام قايتىس بولدى. اۋرۋ جۇقتىرعاندار سانى 9،5 ميلليونعا جەتتى.