قازاقستاندىق تۇركيا تۇلەكتەرىنىڭ كەزەكتى كەزدەسۋى بيىل الماتى قالاسىندا ءوتتى.
اتالعان ءىس-شاراعا تۇركيانىڭ قازاقستانداعى ەلشىسى مۋستافا كاپۋدجۋ، تۇركيانىڭ الماتى قالاسىنداعى باس كونسۋلى ەۆرەن مۋدەرريسوگلۋ، قازاقستان جانە تۇركيانىڭ مەملەكەتتىك قىزمەتكەرلەرى، كاسىپكەرلەر جانە 300 جۋىق تۇركيا تۇلەگى قاتىستى، دەپ حابارلايدى Almaty-akshamy.kz7
قازىرگى كەزدە ەلىمىزدە 7 مىڭنان استام تۇركيا جوعارى وقۋ ورىندارىندا ءبىلىم العان تۇلەك ءار سالادا تابىستى ەڭبەك ەتىپ ءجۇر. «تۇركيا تۇلەكتەرىنىڭ التىن كىتابى» جوباسى اياسىندا ءوز سالاسىندا ەرەكشە جەتىستىككە قول جەتكىزگەن تۇلەكتەر ماراپاتتالدى. نوميناسيالار ءبىلىم جانە عىلىم، سپورت، مەديسينا، جۋرناليستيكا، مەملەكەتتىك قىزمەت، كاسىپكەرلىك، مادەنيەت جانە ونەر، قوعامدىق جۇمىستار سياقتى سالالار بويىنشا بەرىلدى. مەملەكەتتىك قىزمەت سالاسىندا جەتكەن جەتىستىكتەرى ءۇشىن ق ر ءسىم قاراستى «وتانداستار قورىنىڭ» پرەزيدەنتى ابزال ساپاربەك ۇلى، مادەنيەت جانە ونەر سالاسىندا جەتكەن جەتىستىكتەرى ءۇشىن ق ر پارلامەنتى سەناتىنىڭ دەپۋتاتى ءقىدىرالى دارحان، ءبىلىم جانە عىلىم سالاسىندا جەتكەن جەتىستىكتەرى ءۇشىن قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ رەكتورى تەمىربەكوۆا جانار، كاسىپكەرلىك سالاسىندا جەتكەن جەتىستىكتەرى ءۇشىن تۇرابايەۆ قۋانىش، ەرەكشە قوعامدىق بەلسەندىلىگى ءۇشىن شىرىنبايەۆ مارات، جۋرناليستيكا سالاسىندا جەتكەن جەتىستىكتەرى ءۇشىن 31 ارنانىڭ Informburo اقپاراتتىق باعدارلامالار دەپارتامەنتىنىڭ ديرەكتورى ءجۇنىسوۆ ەرجان، دەنساۋلىق ساقتاۋ سالاسىندا جەتكەن جەتىستىكتەرى ءۇشىن Orhun Medical Center باس دارىگەرى سىيكىمبايەۆ ايدوس، سپورت سالاسىندا جەتكەن جەتىستىكتەرى ءۇشىن “دەشتى قىپشاق” ءداستۇرلى ساداق اتۋ فەدەراسياسىنىڭ ۆيسە-پرەزيدەنتى تۋرۋسپەكوۆ باحتيار تۇركيا تۇلەكتەرىنىڭ «التىن كىتابىنا» ەندى.
قازاقستاندىق تۇلەكتەر اراسىندا العاش رەت ۇيىمداستىرىلعان بىرەگەي جوبا بۇدان بىلاي جىل سايىن وتكىزىلەدى. سونىمەن قاتار، تۇركياعا ۇشاق بيلەتتەرى ويناتىلدى.