دوكتورانتۋراعا تۇسۋگە ەمتيحان تاپسىرۋ باستالدى

ءوتىنىش قابىلداۋ 25 قازان – 10 قاراشا ارالىعىندا ۇلتتىق تەستىلەۋ ورتالىعىنىڭ app.testcenter.kz سايتىندا جۇرگىزىلدى.

بۇگىن باستالعان سىناق 2 جەلتوقسانعا دەيىن جالعاسادى، دەپ حابارلايدى Almaty-akshamy.kz

دوكتورانتۋراعا ءتۇسۋ ەمتيحاندارىنا 1060 ادام قاتىسادى.

"ءتۇسۋ ەمتيحانىنا ەسسە جازۋ، دوكتورانتۋراعا دايىندىق تەستى جانە ءبىلىم بەرۋ باعدارلاماسى توبىنىڭ بەيىنى بويىنشا ەمتيحان كىرەدى.

جالپى، ءتۇسۋ ەمتيحانىنىڭ ەڭ جوعارى كورسەتكىشى 100 بالل، ونىڭ ىشىندە اڭگىمەلەسۋ – 20 بالل، ەسسە – 10 بالل، دوكتورانتۋرادا وقۋعا دايىندىعىن انىقتاۋعا ارنالعان تەست – 30 بالل، بەيىنى بويىنشا ەمتيحان سۇراقتارى – 40 بالدى قۇرايدى.

ال مەملەكەتتىك ءبىلىم بەرۋ تاپسىرىسى بويىنشا كونكۋرسقا قاتىسۋ ءۇشىن جانە اقىلى نەگىزدە دوكتورانتۋراعا ءتۇسۋ ءۇشىن شەكتى بالل 75 بالدى قۇرايدى"، – دەپ اتاپ ءوتتى ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.

اتاپ وتسەك، 2022 جىلدان باستاپ دوكتورانتۋراعا ءتۇسۋ ءۇشىن شەت ءتىلىن مەڭگەرگەندىگى تۋرالى سەرتيفيكاتتان بولەك، قازتەست جۇيەسى بويىنشا مەملەكەتتىك ءتىلدى مەڭگەرگەنىن راستايتىن سەرتيفيكاتتى ۇسىنۋ قاجەت.

ءتۇسۋ ەمتيحانىنىڭ ناتيجەلەرى ونى وتكىزگەننەن كەيىن كەلەسى كۇنى جاريالانادى. ونى جەكە كابينەتتە كورۋگە بولادى. دوكتورانتۋراعا تۇسەتىن ازاماتتارعا 700-دەن استام گرانت بولىنگەن.