قۇجات اشىق نقا پورتالىندا جاريالاندى.
ول 11 جەلتوقسانعا دەيىن تالقىلانادى، دەپ حابارلايدى Almaty-akshamy.kz
قازاقستاندا جەكە سايكەستەندىرۋ ءنومىرىن (جسن) الۋ ءتارتىبىن وزگەرتۋ جوسپارلانۋدا.
ىشكى ىستەر مينيسترلىگى "قازاقستان رەسپۋبليكاسىندا ۋاقىتشا بولاتىن شەتەلدىكتەر مەن ازاماتتىعى جوق ادامدارعا جەكە سايكەستەندىرۋ ءنومىرىن جاساۋ جانە تۇزەتۋ" مەملەكەتتىك قىزمەتىن كورسەتۋ قاعيدالارىن بەكىتۋ تۋرالى" بۇيرىعىن تالقىلاۋعا شىعاردى.
مينيسترلىك باستاماشى بولعان جاڭا ەرەجەگە سايكەس، شەتەلدىكتەر ەلەكتروندى ۇكىمەت پورتالى ارقىلى جسن الا المايدى. جسن الۋ ءۇشىن تۇرعىلىقتى جەرى بويىنشا حالىققا قىزمەت كورسەتۋ ورتالىعىنا ءوزى كەلىپ، ءوتىنىش بەرۋى قاجەت.
كورسەتىلەتىن قىزمەتتى الۋشى:
كورسەتىلەتىن قىزمەتتى الۋشىنىڭ جەكە باسىن سايكەستەندىرۋ؛
قۇجاتتاردا كورسەتىلگەن مالىمەتتەردىڭ دۇرىستىعىن تەكسەرۋ؛
حالىققا قىزمەت كورسەتۋ ورتالىعىنىڭ ينتەگراسيالانعان اقپاراتتىق جۇيەسىندە (ييج) ءوتىنىشتى تولتىرۋ.
"قازاقستان رەسپۋبليكاسىنىڭ سوتى باس بوستاندىعىنان ايىرۋعا سوتتالعان شەتەلدىكتەردىڭ، ازاماتتىعى جوق ادامداردىڭ جانە تۇراقتى ەمەس مارتەبەسى بار ادامداردىڭ جەكە باسىن كۋالاندىراتىن قۇجاتتارى بولماعان جاعدايدا، مەملەكەتتىك قىزمەتتى الۋ ءۇشىن وسى قاعيدالارعا سايكەس ءوتىنىش نەگىز بولىپ تابىلادى"، - دەلىنگەن قۇجاتتا.
شەتەلدىك حالىققا قىزمەت كورسەتۋ ورتالىعىنا قۇجاتتاردىڭ تولىق ەمەس توپتاماسىن نەمەسە قولدانىلۋ مەرزىمى ءوتىپ كەتكەن قۇجاتتاردى ۇسىنعان جاعدايدا، وعان قۇجاتتاردى قابىلداۋدان باس تارتىلادى جانە وعان مەملەكەتتىك قىزمەتتى كورسەتۋدەن باس تارتۋ تۋرالى قولحات بەرىلەدى.
ەسكە سالا كەتەيىك، ەسكى ەرەجە بويىنشا شەتەلدىكتەر ءجسن-دى حالىققا قىزمەت كورسەتۋ ورتالىقتارىندا، ەكىنشى دەڭگەيلى بانكتەردە نەمەسە قازاقستان رەسپۋبليكاسىنىڭ ازاماتى بولىپ تابىلاتىن رەسمي وكىلىنىڭ كومەگىمەن ەلەكتروندى ۇكىمەت پورتالى ارقىلى الا الادى.
ىشكى ىستەر مينيسترلىگىنىڭ جاڭا بۇيرىعى "اشىق زاڭدى تۇلعالار" پورتالىندا ورنالاستىرىلعان. ول 11 جەلتوقسانعا دەيىن تالقىلانادى.