"تىرناق-قىلىش" اۋە وپەراسياسى ءجۇرىپ جاتىر.
تۇركيانىڭ قورعانىس ءمينيسترى حۋلۋسي اكار سەيسەنبىگە قاراعان ءتۇنى سيريا مەن يراكتاعى ارنايى وپەراسياسىنىڭ ەكى كۇنىندە 184 سودىردىڭ جويىلعانىن جەتكىزدى، دەپ حابارلايدى Almaty-akshamy.kz Inbusiness.kz سىلتەمە جاساپ.
"تىرناق-قىلىش" اۋە وپەراسياسى باستالعالى بەرى 184 تەرروريست جويىلدى. ولاردىڭ سانى الداعى ۋاقىتتا وسەتىن بولادى"، - دەدى مينيستر.
اكار بۇل وپەراسيا "سوڭعى تەرروريست جويىلعانعا دەيىن" جۇرگىزىلەتىنىن اتاپ ءوتتى.
جەكسەنبىدە انكارا سيريانىڭ سولتۇستىگىندە تۇركيادا تىيىم سالىنعان "كۇردىستان جۇمىسشى پارتياسىنىڭ" سيريا قاناتىنا قارسى اۋە وپەراسياسىن جۇرگىزدى. كوباني قالاسىنا، سونداي-اق يراكتىڭ سولتۇستىگىنە جاسالعان سوققىلار تۋرالى حابارلاندى.