قازاقستاندا پرەزيدەنت سايلاۋى ءادىل ءوتتى.
سايلاۋعا باعاسىن بەرگەن الماتى قالاسى قوعامدىق كەڭەسىنىڭ مۇشەسى بوريس جاپاروۆ ەل، حالىق، ۇلت بولىپ بىرىگىپ، پرەزيدەنتتى قولداپ، ماقساتقا جەتۋگە ۇمتىلاتىنىنا سەنەدى، دەپ حابارلايدى Almaty-akshamy.kz.
«قازاقستاندا پرەزيدەنت سايلاۋى ءادىل ءوتتى. تازا جەڭىسپەن 82،5 پايىزبەن قاسىم-جومارت توقايەۆ 7 جىلعا ەلىمىزدىڭ پرەزيدەنتى بولىپ سايلاندى. تۇبەگەيلى رەفورما جاساۋ: ساياسي، قۇقىقتىق، سوت جۇيەسى، ەكونوميكالىق ماسەلەلەر، سىبايلاس جەمقورلىقتى جەڭۋدەگى ماقسات – ءبارى ءبىر كۇندە جاسالاتىن ماسەلە ەمەس. سوڭعى وتىز جىلدا قوردالانىپ قالعان ماسەلەلەردى جەدەل، بىرىنەن سوڭ ءبىرىن شەشىپ، ەلىمىزدى دامىتۋ، جاسامپازدىق جولىنا كوشىرۋ – ماقساتى. سوندىقتان وڭاي بولادى دەپ ويلامايمىز. ءبىراق ەل، حالىق، ۇلت بولىپ بىرىگىپ، پرەزيدەنتتى قولداپ، سول ماقساتقا جەتۋگە ۇمتىلادى دەپ سەنەم»،– دەدى الماتى قالاسى قوعامدىق كەڭەسىنىڭ مۇشەسى بوريس جاپاروۆ.