تۇركيا الەمدىك نارىقتا نەمىس الپاۋىتتارىنىڭ بىرىنەن سانالاتىن Adidas فيرماسىنا ءوزىنىڭ فلاگماندىق اياق كيىم ۇلگىلەرى ءبىرىنىڭ دوڭىز تەرىسىنەن تىگىلگەنى تۋرالى كليەنتتەرگە حابارلاماعانى ءۇشىن 15 000 دوللاردان اساتىن مولشەردە ايىپپۇل سالدى.
بۇل جايىندا islam.kz پورتالى AFP اقپارات كوزىنە سىلتەمە جاساي وتىرىپ ءمالىم ەتەدى، دەپ حابارلايدى ashamnews.kz
تۇركياداعى تۇتىنۋشىلار قۇقىعىن قورعاۋعا باعىتتالعان قاۋلىدا قاراستىرىلعان تالاپتارعا سايكەس جارنامادا جانە ونىمدەردىڭ سيپاتتاماسىندا «قوعامدا كوپشىلىكتى قۇرايتىنداردىڭ ءدىني سەنىمىنە قايشى كەلەتىن ماتەريالداردىڭ نەگىزى ناقتى ايتىلۋى ءتيىس» دەلىنگەن. ال اتالمىش قاۋلىعا نەمقۇرايدى قاراعان نەمىس فيرماسى اقىرى ايىپپۇل ارقالادى. وسى ورايدا 2022 جىلى تۇركيانىڭ ءدىن ىستەرى جونىندەگى پرەزيديەۋمىنىڭ كيىم مەن اياق كيىمدى دوڭىز تەرىسى مەن قىلىنان جاساۋعا تىيىم سالاتىن قاۋلى قابىلداعانىن ايتا كەتپەكپىز.