الدىمەن ارتىق نەمەسە قاتە تولەنگەن سومالاردى قايتارۋ تۋرالى ءوتىنىش جازۋ كەرەك.
ەگەر ءسىز مىندەتتى الەۋمەتتىك مەديسينالىق ساقتاندىرۋ (ءمامس) جارناسىن ارتىق تولەپ قويساڭىز نەمەسە بەلگىلى ءبىر سەبەپتەرگە بايلانىستى ونى قايتارعىڭىز كەلسە، وندا بۇل قاراجاتتى قايتارۋدىڭ زاڭدى جولدارى بار، دەپ حابارلايدى aqshamnews.kz.
ءمامس جارناسىن قايتارۋعا مىنانداي ازاماتتار ءوتىنىش بەرە الادى:
ءوتىنىش دايىنداۋ: "ازاماتتارعا ارنالعان ۇكىمەت" مەملەكەتتىك كورپوراسياسىنا ارتىق نەمەسە قاتە تولەنگەن سومالاردى قايتارۋ تۋرالى ءوتىنىش جازىڭىز. وتىنىشكە تولەمدى راستايتىن قۇجاتتاردى (مىسالى، تۇبىرتەكتەردىڭ كوشىرمەلەرى) قوسا تىركەڭىز. ءوتىنىش ۇلگىسىن الەۋمەتتىك مەديسينالىق ساقتاندىرۋ قورىنىڭ رەسمي سايتىنان الۋعا بولادى.
قۇجاتتاردى تاپسىرۋ: دايىندالعان ءوتىنىش پەن قوسىمشا قۇجاتتاردى "ازاماتتارعا ارنالعان ۇكىمەت" مەملەكەتتىك كورپوراسياسىنىڭ جەرگىلىكتى بولىمشەسىنە تاپسىرىڭىز.
ءوتىنىشتى قاراۋ مەرزىمى: ءوتىنىشتى قاراۋ مەرزىمى 15 جۇمىس كۇنىنەن اسپايدى. اقشا تولەم جاسالعان تاسىلمەن قايتارىلادى.
ەسكەرتۋ: ەگەر ءوتىنىشتى جۇمىس بەرۋشى بەرسە، پايداسىنا جارنالار جۇرگىزىلگەن جەكە تۇلعادان سومالاردى قايتارۋعا كەلىسىم بەرۋ تۋرالى ءوتىنىش تالاپ ەتىلەدى.
قايتارۋدان باس تارتىلۋى مۇمكىن جاعدايلار:
- وتىنىشتە بانكتىك دەرەكتەمەلەر قاتە ەنگىزىلسە؛
- ءوتىنىش ق ر دەنساۋلىق ساقتاۋ ءمينيسترىنىڭ 2017 جىلعى 30 ماۋسىمداعى №478 بۇيرىعىنداعى 1-قوسىمشاعا سايكەس كەلمەسە؛
- وتىنىشتە قايتارۋ سەبەپتەرى دۇرىس كورسەتىلمەسە؛
- وتىنىشكە قۇجاتتاردىڭ تولىق پاكەتى بەكىتىلمەسە نەمەسە قۇجاتتاردى وقۋ قيىن بولسا؛
- اقشانى قايتارۋعا ەشقانداي نەگىز بولماسا.