2024 جىلى الماتى وبلىسىنىڭ ديقاندارى 49،1 مىڭ گەكتار جەرگە جۇگەرى ەگىپ، تولىق ءونىم جينادى.
ورتاشا ونىمدىلىك گەكتارىنان 55 سەنتنەردى قۇراپ، جالپى 270،7 مىڭ توننا ءونىم الىندى. بۇل – ءوڭىردىڭ سوڭعى جىلدارداعى ەڭ جاقسى كورسەتكىشتەرىنىڭ ءبىرى، دەپ حابارلايدى aqshamnews.kz.
جينالعان ءونىمنىڭ نەگىزگى بولىگى (175 مىڭ توننا) مال ازىعىنا باعىتتالدى، تاعى 94 مىڭ توننا وڭدەۋگە جىبەرىلدى، ال 1،3 مىڭ تونناسى كەلەسى جىلعى ەگۋ جۇمىستارىنا قالدىرىلدى. نەگىزگى وڭدەۋشىلەر «جاركەنت كراحمال-پاتوكا زاۋىتى» (78 مىڭ توننا)، «ازيااگروفۋد» (60 مىڭ توننا) جانە «كوك تەڭىز» (14 مىڭ توننا). جۇگەرىنىڭ ورتاشا ساتىپ الۋ باعاسى تونناسىنا 55-60 مىڭ تەڭگە بولسا، قۇس فابريكالارى ونى كيلوگرامىنا 74 تەڭگەدەن ساتىپ الدى.
اۋىل شارۋاشىلىعى وندىرۋشىلەرىن قولداۋ ماقساتىندا وڭىردە جۇگەرى وڭدەۋ سۋبسيديالانادى. 2024 جىلى بۇل ماقساتقا 1،5 ملرد تەڭگە ءبولىنىپ، فەرمەرلەرگە وڭدەۋگە تاپسىرىلعان ءار توننا ءۇشىن 18 مىڭ تەڭگەدەن وتەماقى بەرىلدى. وبلىستا 102،6 مىڭ توننا استىق ساقتاي الاتىن ءۇش ليسەنزيالانعان قويما جۇمىس ىستەيدى.
الماتى وبلىسىندا جۇگەرى ءوندىرىسىنىڭ تۇراقتى ءوسۋى – دۇرىس جۇرگىزىلگەن اگرارلىق ساياساتتىڭ، فەرمەرلەردى قولداۋدىڭ جانە زاماناۋي تەحنولوگيالاردى ەنگىزۋدىڭ ناتيجەسى. ءوڭىر ەلدەگى باستى استىق وندىرۋشىلەردىڭ ءبىرى بولىپ قالا بەرەدى. ال كەلەسى جىلى ءبىز ەگىستىك القاپتارىن ۇلعايتۋدى جوسپارلاپ وتىرمىز، – دەپ اتاپ ءوتتى وبلىس اكىمدىگى.
2025 جىلى جۇگەرى ەگىستىك القاپتارى 52،6 مىڭ گەكتارعا دەيىن ۇلعايتىلادى، بىلتىرعى جىلمەن سالىستىرعاندا 3،5 مىڭ گەكتارعا ارتىق. بۇل ءوڭىردىڭ ەلدەگى استىق نارىعىنداعى ورنىن ودان ءارى نىعايتۋعا مۇمكىندىك بەرەدى.