تۇركمەنستان حالىق ماسليحاتىنىڭ ءتوراعاسى گۇربانگۋلى بەردىمۇحامەدوۆ كەشە انكارادا وتكەن تۇركى مەملەكەتتەرى ۇيىمىنىڭ كەزەكتەن تىس سامميتىندە ءوز ەلىنىڭ وسى ۇيىمعا مۇشە بولاتىنىن ءمالىم ەتتى.
ونىڭ مالىمدەمەسىن تۇركىمەنستان مەملەكەتتىك اگەنتتىگى تاراتتى، دەپ حابارلايدى Almaty-akshamy.kz
«ەندى تۇركىمەنستان تمۇ-عا باقىلاۋشى ەمەس، ونىڭ مۇشەسى رەتىندە قاتىسادى»، - دەدى بەردىمۇحامەدوۆ.
سونداي-اق، ول تۇركيا پرەزيدەنتىن نوبەل بەيبىتشىلىك سىيلىعىنا ۇسىنۋدى قولداعان.
بەردىمۇحامەدوۆ ەردوعانمەن 22 جىلدان بەرى ارالاساتىنىن ايتىپ، ونى الەمدىك دەڭگەيدەگى ساياساتكەر، ءوز ەلىنىڭ عانا ەمەس، بۇكىل مۇسىلمان قاۋىمىنىڭ مۇددەسىن قورعايتىن ءىرى تۇلعا دەپ سيپاتتادى.
اقپارات اگەنتتىگىنىڭ مالىمەتىنشە، 2000 جىلدان بەرى تۇرىك ينۆەستورلارى تۇركىمەنستاندا 110 ميلليارد دوللاردىڭ جوبالارى مەن جۇمىستارىن جۇزەگە اسىرعان.