تۇركى كەڭەسىنىڭ مينيسترلەرى تۋريستىك سالانىڭ ماسەلەلەرىن تالقىلادى
23-24 ماۋسىم ارالىعىندا وزبەكستاننىڭ قوقان قالاسىندا تۇركىتىلدەس مەملەكەتتەر ىنتىماقتاستىق كەڭەسىنىڭ ۇيىمداستىرۋىمەن تۋريزم مينيسترلەرىنىڭ VI وتىرىسى ءوتتى، دەپ حابارلادى Almaty-akshamy.kz. ق ر مادەنيەت جانە سپورت مينيسترلىگىنىڭ تاراتقان حابارىنا سىلتەمە جاساپ.
جۇزدەسۋگە تۇركى كەڭەسىنىڭ باس حاتشىسى باعدات امىرەيەۆ، قازاقستان رەسپۋبليكاسىنىڭ مادەنيەت جانە سپورت ءمينيسترى اقتوتى رايىمقۇلوۆا، وزبەكستان رەسپۋبليكاسى پرەمەر-مينيسترىنىڭ ورىنباسارى – تۋريزم جانە سپورت ءمينيسترى ازيز ابدۋحاكيموۆ، قىرعىز رەسپۋبليكاسى پرەمەر-مينيسترىنىڭ ورىنباسارى – ەكونوميكا جانە قارجى ءمينيسترى اكيلبەك جاپاروۆ، ءازىربايجان رەسپۋبليكاسى مەملەكەتتىك تۋريزم اگەنتتىگىنىڭ ءتوراعاسى فۋاد ناگييەۆ، تۇركيا رەسپۋبليكاسى مادەنيەت جانە تۋريزم ءمينيسترىنىڭ ورىنباسارى سەردار دجام، ۆەنگريا رەسپۋبليكاسىنىڭ وزبەكستانداعى توتەنشە جانە وكىلەتتى ەلشىسى پەتەر سانتو قاتىسىپ، وتارىس بارىسىندا ءبىرقاتار كەلىسسوزدەر جۇرگىزدى.
تاراپتار جۇمىس توبىنىڭ وتىرىسى كەزىندە كوروناۆيرۋس پاندەمياسى كەزىندە شىعىنعا ۇشىراعان تۋريزم سالاسىن جانداندىرۋ، قايتا قالپىنا كەلتىرۋ جايىن، تۇركى كەڭەسى ۇيىمى قۇرامىنداعى ەلدەر اراسىنداعى اۋە رەيستەرىنىڭ جۇمىسىن جالعاستىرۋدى تالقىلادى.
