قازاقستان تجم ماماندارى بەلارۋسيادا ءبىلىم الدى
قازاقستان ازاماتتىق قورعاۋ ورگاندارىنىڭ 5 قىزمەتكەرى بەلارۋس رەسپۋبليكاسى تجم ازاماتتىق قورعاۋ ۋنيۆەرسيتەتىن ءبىتىردى، دەپ حابارلادى Almaty-akshamy.kz ق ر تجم باسپا ءسوز قىزمەتىنىڭ حابارىنا سىلتەمە جاساپ.
24 ماۋسىمدا قازاقستان رەسپۋبليكاسىنىڭ توتەنشە جاعدايلار ۆيسە-مينيسترى مەرەكە پىشەمبايەۆ بەلارۋس رەسپۋبليكاسى تجم ازاماتتىق قورعاۋ ۋنيۆەرسيتەتىنىڭ كۋرسانتتارىن شىعارىپ سالۋ راسىمىنە قاتىستى. ءىس-شارا مينسك قالاسىندا ءوتتى.
بيىل بەلارۋس رەسپۋبليكاسى تجم ازاماتتىق قورعاۋ ۋنيۆەرسيتەتىن قازاقستان ازاماتتىق قورعاۋ ورگاندارىنىڭ 5 قىزمەتكەرى «تج-نىڭ الدىن الۋ جانە ولاردى جويۋ» ماماندىعى بويىنشا ءبىتىردى.
ءىس-شارا جوعارى وقۋ ورىننىڭ پلاسىندا بەلارۋس توتەنشە جاعدايلار ءمينيسترى، ىشكى قىزمەت گەنەرال-مايورى ۆاديم سينياۆسكييدىڭ باسشىلىعىمەن ءوتتى.
جيىنعا تج ءمينيسترىنىڭ ورىنباسارلارى، تجم ورتالىق اپپاراتى مەن اۋماقتىق باسقارمالاردىڭ باسشىلارى، شەتەل دەلەگاسياسى وكىلدەرى قاتىستى.
ءىس-شارا باراسىندا وقۋ ورىن باسشىلارىمەن كەزدەسۋ وتكىزىلدى. شارا بارىسىندا قازاقستاندىق قىزمەتكەرلەردىڭ جوعارى دايارلىعى اتاپ ءوتىلدى. قازاقستاندىق ماماندارعا بەرىلەتىن كۆوتانى كوبەيتۋ ماسەلەسى دە قوزعالدى.
جىل سايىن ەلىمىزدىڭ ازاماتتارىنا قازاقستان مەن بەلارۋس اراسىنداعى ۇكىمەتارالىق كەلىسىم نەگىزىندە ازاماتتىق قورعاۋ ۋنيۆەرسيتەتىنە وقۋعا جولداما بەرىلەدى.
