تۇركى الەمىنىڭ ىنتىماقتاستىق كۇنى: بىرلىك رۋحى

3 مامىر — تۇركى الەمىنىڭ ىنتىماقتاستىق كۇنى.

تۇركىلىك ىنتىماقتاستىق مەرەكەسىن اتاپ ءوتۋ تاريحىنا شامامەن 80 جىل تولىپ وتىر، دەپ حابارلايدى aqshamnews.kz

بۇل تاريحي كۇن العاش رەت 1944 جىلى 3 مامىردا تۇركيادا — توپقانا اسكەري تۇرمەسىندە نيحال اتسىز، زاكي ءۋاليدي توعان، نەدجدەتسانجار جانە رەحا وعىز تۇرككان باستاعان ون تۇتقىن تاراپىنان اتاپ وتىلگەن.

سول ۋاقىتتان باستاپ بۇل كۇن كەڭ اۋقىمدى سيپات الىپ، تۇركىشىلدەر اراسىندا جوعارى دەڭگەيدە اتالىپ وتەتىن داستۇرگە اينالدى.

3 مامىر كۇنى باكۋدە، م.ماعومايەۆ اتىنداعى ءازىربايجان مەملەكەتتىك اكادەميالىق فيلارمونياسىندا ءازىربايجان رەسپۋبليكاسى مادەنيەت مينيسترلىگىنىڭ، تۇركى مادەنيەتى مەن مۇراسى قورىنىڭ جانە فيلارمونيانىڭ بىرلەسكەن ۇيىمداستىرۋىمەن تۇركى الەمىنىڭ ىنتىماقتاستىق كۇنىنە ارنالعان «بىرلىك رۋحى» اتتى كونسەرت وتەدى.

كونسەرتتىك باعدارلامادا نيازى اتىنداعى ءازىربايجان مەملەكەتتىك سيمفونيالىق وركەسترى (ديريجەرلەر – يالچىنادىگوزالوۆ جانە قانات وماروۆ) مەن قازاقستاننىڭ «تۇران» فولكلورلىق ءانسامبلى ونەر كورسەتەدى. باعدارلامادا ءازىربايجان، قازاقستان، قىرعىزستان، تۇركيا، ماجارستان، وزبەكستان جانە تۇرىكمەنستان كومپوزيتورلارىنىڭ شىعارمالارى مەن حالىق اندەرى ورىندالادى.