18-19 قاراشادا الماتىدا تۇركىتىلدەس جۋرناليستەر قورىنىڭ ۇيىمداستىرۋىمەن "تۇركى الەمىنىڭ مەديا كەڭىستىگى: جاڭا داۋىردەگى مىندەتتەر مەن مۇمكىندىكتەر" تاقىرىبىنا VI حالىقارالىق تۇركىتىلدەس جۋرناليستەر مەديا فورۋمى وتەدى.
ءىس-شاراعا قازاقستان، ورتالىق ازيا، تۇركيا، ەۋروپا ەلدەرىنەن ب ا ق باسشىلارى، جۋرناليستەر، دەپۋتاتتار، مەديا سالاسىنداعى ۇەۇ باسشىلارى، قوعام قايراتكەرلەرى، PR مەنەدجەرلەر، باسپا ءسوز حاتشىلارى، جۋرناليستيكا فاكۋلتەتىنىڭ مۇعالىمدەرى مەن ستۋدەنتتەرى ت.ب. قاتىسادى.
"مەديا جانە مادەني بىرەگەيلىك: ب ا ق ارقىلى تۇركى الەمىنىڭ بايلانىسىن نىعايتۋ"، "تۇركى ەلدەرى اراسىنداعى سيفرلىق كوپىر: PR-داعى جاڭا تەحنولوگيالار، پلاتفورمالار جانە قۇرالدار"، "مەديابيزنەستەگى تۇراقتىلىق پەن يننوۆاسيالار: بولاشاقتىڭ مودەلى"، "جاڭا ءداۋىر شىندىعى: باق-تاعى جاساندى ينتەللەكت" تاقىرىپتارىنداعى وتىرىستاردا تۇركى الەمى مەدياسىندا ورتاق اقپاراتتىق الاڭ قالىپتاستىرۋ جولدارى، مادەني مۇرالار ارقىلى تۇركىنىڭ ۇلتتىق قۇندىلىقتارىن ناسيحاتتاۋ، تۇركى مەملەكەتتەرىنىڭ الەمدىك ارەناداعى ءيميدجىن نىعايتۋ ءۇشىن PR ستراتەگياسىن ۇيلەستىرۋ، باق-تاعى كىرىس كوزىن ديۆەرسيفيكاسيالاۋ، اقپاراتتى تابىس كوزىنە اينالدىرۋدىڭ جولدارى، كونتەنت دايىنداۋ جانە وڭدەۋ پروسەستەرىندە جاساندى ينتەللەكتتى پايدالانۋ، ت.ب. ماسەلەلەر تالقىعا سالىنادى.
مەديا فورۋم شەڭبەرىندە ۇيىمداستىرىلاتىن "الەۋمەتتىك جۋرناليستيكا: باق-تاعى الەۋمەتتىك ماسەلەلەر" تاقىرىبىنداعى سەمينار-ترەنينگتە گەرمانياداعى "نەمىس تولقىنى" تەلەارناسى تۇرىك رەداكسياسىنىڭ ديرەكتورى ەركان ارىكان "Deutsche Welle": جاساندى ينتەللەكت كومەگىمەن جاسالعان جالعان ۆيدەولاردى انىقتاۋ" تاقىرىبىنا شەبەرلىك ساباعىن وتەدى.
سونداي-اق، "تۇركىتىلدەس جۋرناليستەر قورى" قق "شيەۆرون" كومپانياسى سەرىكتەستىگىندە ۇيىمداستىرعان "الەۋمەت – قوعام ايناسى"-2025 بايقاۋى مەن "Halyk Bank" اق سەرىكتەستىگىندە ۇيىمداستىرعان "ەركىن ءسوز"-2025 بايقاۋىنىڭ جەڭىمپازدارىن ماراپاتتاۋ سالتاناتى وتەدى.