2024 جىلدىڭ 9 ايىندا ىشكى تۋريستەر سانى 562 مىڭعا ارتىپ، 6 ملن ادامعا جەتتى.
شەتەلدەن كەلەتىن تۋريستەر لەگى 11،5 ملن ادامدى قۇرادى، بۇل 2023 جىلدىڭ وسى كەزەڭىندەگى كورسەتكىشپەن سالىستىرعاندا ەكى ەسەگە جۋىق كوپ، دەپ حابارلايدى aqshamnews.kz ۇكىمەتتىڭ رەسمي رەسۋرسىنا سىلتەمە جاساپ.
ونىڭ ىشىندە شەتەلدىك 969 مىڭ تۋريست ورنالاستىرۋ ورىندارىنا جايعاستى.
بۇل كورسەتكىشتەر قابىلدانىپ جاتقان شارالاردىڭ تيىمدىلىگى مەن تۋريستىك باعىت رەتىندە قازاقستانعا قىزىعۋشىلىقتىڭ ارتىپ كەلە جاتقانىن ايعاقتايدى.
سالانىڭ ەكونوميكالىق كورسەتكىشتەرى دە ايتارلىقتاي ءوسىم كورسەتىپ وتىر.
ورنالاستىرۋ نىساندارىنىڭ جالپى كىرىسى 27%-عا ءوسىپ، 224 ملرد تەڭگەنى قۇرادى.
ورنالاستىرۋ نىساندارىنىڭ سانى 306 بىرلىككە ءوسىپ، 4 315-كە جەتتى، ال ولاردىڭ سىيىمدىلىعى 18 مىڭ توسەك-ورىنعا دەيىن ارتىپ، 226 مىڭدى قۇرادى.
بۇل قازاقستاننىڭ ىشكى جانە حالىقارالىق تۋريستەردى قابىلداۋعا دايىندىعىن ەداۋىر ارتتىرۋعا مۇمكىندىك بەرەدى.
تۋريزمگە سالىنعان ينۆەستيسيا كولەمى قارقىندى ءوسىپ كەلەدى. 2024 جىلدىڭ 10 ايىندا ولاردىڭ كولەمى 33،6%-عا ارتىپ، 668،1 ملرد تەڭگەنى قۇرادى.