نۇرقانات عايىپبايەۆ 30 جاستا بولعان.
شەرزات بولات تاراپىنىڭ ادۆوكاتى سايدا تاۋەكەلوۆا «وز-وزىنە قول سالعان» دەگەن اقپاراتتى تەرىستەدى، دەپ حابارلايدى aqshamnews.kz
تەلەگرام-ارنالاردا “شەرزات بولاتتىڭ اعاسى توبەلەس كەزىندە قارۋدى ءبىرىنشى الىپ شىققان، سول ءۇشىن ءوزىن ايىپتى سەزىنىپ، وز-وزىنە قول سالعان” دەگەن اقپارات تاراعان. ادۆوكات تاۋەكەلوۆا بۇل نۇسقانى تەرىستەدى.
بۇعان دەيىن شەرزات بولاتتىڭ اعاسى قازا بولعانىن پوليسيا راستاعان ەدى.
«تالعار قالاسىنىڭ ماڭىنان 30 جاستاعى ەر ادامنىڭ دەنەسى تابىلدى. الدىن الا مالىمەتتەرگە سايكەس، ول اسىلىپ، وز-وزىنە قول سالعان. مارقۇم بيىل 4 قازاندا قازا تاپقان كامەلەتكە تولماعان شەرزات پولاتتىڭ اعاسى ەكەنى انىقتالدى. وسى فاكتى بويىنشا قىلمىستىق ءىس قوزعالدى. قازىرگى ۋاقىتتا بارلىق جاعدايلاردى انىقتاۋ ءۇشىن تەرگەۋ امالدارى جۇرگىزىلۋدە. وسى ۋاقىتتا قىلمىستىق سيپاتتاعى قانداي دا ءبىر بەلگىلەر انىقتالمادى»، - دەلىنگەن پوليسيا حابارلاماسىندا.
پوليسيا مارقۇم ش. بولاتتىڭ وتباسى بارلىق ۋاقىتتا پوليسەيلەردىڭ قورعاۋىندا بولعانىن اتاپ وتەدى.
«وسى ۋاقىتقا دەيىن مارقۇمنىڭ وتباسىنا تونگەن قانداي دا ءبىر قاۋىپ-قاتەر تىركەلگەن جوق. كۇزەتكەن قىزمەتكەرلەردىڭ تۇسىندىرمەلەرىنە سايكەس، ەر ادام كۇزەتىلەتىن وبەكتىدەن ساعات 23:30-دا شىعىپ كەتىپ، جەكە اۆتوكولىكپەن كەتكەنى انىقتالدى. تەرگەۋ مۇددەسى ءۇشىن وزگە دە اقپارات جاريالاۋعا جاتپايدى»، - دەلىنگەن حابارلامادا.