بۇل تۋرالى وڭىرلىك كوممۋنيكاسيالار قىزمەتىنىڭ باسپاسوز-كونفەرەنسياسىندا الماتى قالاسى اكىمىنىڭ ورىنباسارى الىشەر ءابدىقادىروۆ مالىمدەدى. سونىمەن قاتار، بيىل الماتىدا ينۆەستيسيالىق بەلسەندىلىك جالعاسىن تاپتى، دەپ حابارلايدى اlmaty-akshamy.kz.
وسى جىلدىڭ 10 ايىندا نەگىزگى كاپيتالعا 1،2 ترلن تەڭگە ينۆەستيسيا تارتىلدى. جەكە ينۆەستيسيالاردىڭ ءوسۋى 10،9% - عا دەيىن جەدەلدەدى. بۇل رەتتە، دەنساۋلىق ساقتاۋ سالاسىنا ينۆەستيسيالار 3،6 ەسەگە، اقپارات پەن بايلانىسقا – 90% – عا، تۇرۋ جانە تاماقتانۋ قىزمەتتەرىنە – 26% - عا، وڭدەۋ ونەركاسىبىنە-10،8% - عا ءوستى.
«وڭدەۋشى ونەركاسىپتى، ءتۋريزمدى جانە IT-سەكتوردى دامىتۋعا باسا نازار اۋدارا وتىرىپ، ينۆەستيسيالاردىڭ ساپالى قۇرىلىمدىق وزگەرىسى ورىن الۋدا»، - دەيدى الىشەر ءابدىقادىروۆ.
الماتى قالاسى اكىمىنىڭ ورىنباسارى وڭدەۋ ونەركاسىبىن دامىتۋ ماسەلەلەرىنە جەكە توقتالىپ، يندۋستريالىق ايماق پەن «يننوۆاسيالىق تەحنولوگيالار پاركى» ارنايى ەكونوميكالىق ايماعىنىڭ كاسىپورىندارى قالا ەكونوميكاسىن ءارتاراپتاندىرۋعا نەگىزگى ۇلەس قوساتىنىن اتاپ ءوتتى. ماسەلەن، اعىمداعى جىلدىڭ ەسەپتى كەزەڭىندە مەگاپوليستە 754،5 ملرد تەڭگەگە ءونىم ءوندىرىلدى.
«وندىرىلگەن ءونىم قالانىڭ بارلىق وڭدەۋ ونەركاسىبى كاسىپورىندارىنىڭ 50% - دان استامىن قۇرايدى. جىل باسىنان بەرى يندۋستريالىق ايماق اۋماعىندا 269 جۇمىس ورنىن قۇرۋمەن 7،3 ملرد تەڭگەگە 4 جوبا ىسكە قوسىلدى. بەلسەندى ىسكە اسىرۋ ساتىسىندا 147،1 ملرد تەڭگەگە 35 جوبا بار، 4363 جۇمىس ورنى اشىلعان»، - دەدى ول.
اۆتوموبيل كلاستەرىن دامىتۋ جالعاسۋدا، ونىڭ وڭدەۋ ونەركاسىبى قۇرىلىمىنداعى ۇلەسى 36،4% - عا دەيىن ءوستى.
سونىمەن قاتار، يتپ اەا اۋماعىندا ەلەكتروتەحنيكالىق جابدىقتاردى ءوندىرۋ بويىنشا جوبا ەنگىزىلدى. بەلسەندى ىسكە اسىرۋ ساتىسىندا 737 جۇمىس ورنىن قۇرۋمەن 27 ملرد تەڭگەگە 12 جوبا تۇر.
قورىتىندىلاي كەلە، الىشەر ءابدىقادىروۆ 2023 جىلى وڭدەۋ ونەركاسىبىنىڭ ءوسۋى 18،5% دەڭگەيىندە كۇتىلەتىنىن اتاپ ءوتتى.