2023 جىلى توعىز ايدىڭ قورىتىندىسى بويىنشا مەگاپوليستەگى تۋريستەر سانى 17،5% - عا ءوسىپ، 1،5 ملن ادامنان استى.
بۇل رەتتە شەتەلدىك تۋريستەر سانى 51،5% - عا ءوسىپ، شامامەن 410 مىڭ ادامدى قۇرادى. بۇل تۋرالى وڭىرلىك كوممۋنيكاسيالار قىزمەتىنىڭ باسپاسوز-كونفەرەنسياسى بارىسىندا الماتى قالاسى اكىمىنىڭ ورىنباسارى الىشەر ءابدىقادىروۆ مالىمدەدى، دەپ حابارلايدى Almaty-akshamy.kz
ايتا كەتەيىك، الماتى قازاقستانعا كەلگەن ءاربىر ەكىنشى شەتەلدىك تۋريست ءۇشىن تارتىمدى.
«نومينالدى ماندەگى ينۆەستيسيالار كولەمى 25،2% - عا 66،9 ملرد تەڭگەگە دەيىن ۇلعايدى»، - دەدى ءا.ءابدىقادىروۆ.
سونداي-اق ىشكى تۋريستەر سانىنىڭ 8،4% - عا 1 104،6 مىڭ ادامعا دەيىن ۇلعايۋى بايقالادى.
تۋريستەردىڭ كوپتەپ كەلۋى تۋريستىك ايماقتاردىڭ اشىلۋىنا ىقپال ەتەدى. ءا. ءابدىقادىروۆ اتاپ وتكەندەي، ەڭ جوعارى كەزەڭدەگى جۇكتەمە ماسەلەلەرىن شەشۋ ءۇشىن قالا بيلىگى ورنالاستىرۋ ورىندارىنىڭ سانىن ۇلعايتۋ بويىنشا شارالار قابىلداۋدا.
«جىل باسىنان بەرى 16 گلەمپينگكە ارنالعان ەكو-قوناق ءۇي جانە 112 بولمەلى قوناق ءۇي اشىلدى. 847 ورىنعا ەسەپتەلىپ، 5 نىساننىڭ قۇرىلىسى، سونداي - اق 1420 نومىردەن تۇراتىن 10 نىساننىڭ جوبالاۋى جۇرگىزىلۋدە»، - دەدى ول.
2023 جىلى قالا بيلىگى تۋريستەر سانىنىڭ 2 ملن ادامعا دەيىن، ونىڭ ىشىندە شەتەلدىك تۋريستەر سانىنىڭ 500 مىڭ ادامعا دەيىن كوبەيەدى دەپ كۇتۋدە.