"اتامەكەن" تالداۋ قىزمەتىنىڭ دەرەكتەرى بويىنشا، 2023 جىلعى 1 قاڭتاردان باستاپ وڭىرلەر "شەتەلدىكتەر ءۇشىن تۋريستىك جارنا تولەۋ قاعيدالارىن بەكىتۋ تۋرالى" ق ر ۇكىمەتىنىڭ 2021 جىلعى 5 قاراشاداعى № 787 قاۋلىسىنا سايكەس، ساياحاتشىعا 5% مولشەرىندە "bed tax" مولشەرلەمەسىن بەكىتۋدى جوسپارلاپ وتىر، دەپ حابارلايدى اlmaty-akshamy.kz.
ماكسيمالدى مولشەرلەمەنى قابىلداۋ تۋرالى شەشىم شەتەلدىك تۋريستەر اعىنىنىڭ وسۋىنە نەگىزدەلگەن. بۇل رەتتە، ستاتيستيكالىق دەرەكتەر بويىنشا، 2022 جىلدىڭ ءى جارتىسىندا تۋريستەردىڭ قوناق ۇيلەرگە ورنالاسۋ سانى پاندەمياعا دەيىنگى 2019 جىلعى ۇقساس كەزەڭگە قاراعاندا 36،7% -عا تومەن. بۇل شەتەلدەن كەلەتىندەرگە نەگىزدەلگەن تۋريزم نارىعى ءالى قالپىنا كەلمەگەنىن كورسەتەدى.
ايتا كەتەتىنى، وسى قاۋلىنىڭ جوباسىن نارىق قاتىسۋشىلارى ەگجەي-تەگجەي تالقىلاماعان. كاسىپكەرلەر بۇعان ءالى ەرتە دەپ سانايدى. الماتى قالاسى كاسىپكەرلەرىنىڭ پىكىرىنشە، 5% مولشەرلەمەمەن "bed tax" ەنگىزۋ تۋريستەر اعىنىن ازايتادى.
"وزدەرىڭىز بىلەتىندەي، تۋريزم سالاسى، ونىڭ ىشىندە تۋريستەردى ورنالاستىرۋ قىزمەت نارىعى COVID-19-دان ەڭ كوپ زارداپ شەكتى – شەكارالاردىڭ جابىلۋى، اۋە قاتىناسىنىڭ توقتاتىلۋى، تۋرلار مەن برونداۋدىڭ جاپپاي جويىلۋى، بوس تۇرعان كەزدە عيماراتتار مەن قىزمەتكەرلەردى كۇتىپ-ۇستاۋ قاراجاتى ەسەبىنەن جابۋ سالالارعا ايتارلىقتاي قارجىلىق زالال كەلتىردى"، – دەدى قازاقستاندىق قوناق ۇيلەر مەن مەيرامحانالار قاۋىمداستىعىنىڭ پرەزيدەنتى راشيدا شايكەنوۆا.
ق ر ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسىنىڭ دەرەكتەرى بويىنشا، 2022 جىلعى قاڭتار-ماۋسىمدا قازاقستان رەسپۋبليكاسى بويىنشا تۋريستەردىڭ دەمالىس ورىندارىنا ورنالاسۋ كورسەتكىشتەرى بۇرىنعىداي تومەن دەڭگەيدە –28،2%. استانا قالاسىندا – 31،5%، قىزمەت كورسەتىلگەن كەلۋشىلەر سانى – 2 971 696 ادام، سونىڭ ىشىندە 291 984 ادام رەزيدەنت ەمەس، بۇل تۋريستەردىڭ جالپى سانىنان رەزيدەنت ەمەستەر 9،82%-دى قۇرايدى.
"شەتەلدىكتەر ءۇشىن تۋريستىك جارنا تولەۋ قاعيدالارىن بەكىتۋ تۋرالى" قازاقستان رەسپۋبليكاسى ۇكىمەتىنىڭ 2021 جىلعى 5 قاراشاداعى № 787 قاۋلىسىمەن استانا قالاسىندا شەتەلدىكتەر ءۇشىن تۋريستىك جارنا مولشەرلەمەسىن قوناق ۇيدە ورنالاسۋ قۇنىنىڭ 5%-ى مولشەرىندە بەكىتتى.
"قوناقۇيلەر ماركەتينگ قۇرالى رەتىندە تۇرۋ قۇنىمەن جۇمىس ىستەيدى، ماۋسىمىنا بايلانىستى باعانى تومەندەتىپ، كوتەرەدى. سوندىقتان، بۇل مولشەرلەمە تۇرۋعا ارنالعان قىزمەت قۇنىنا جانە ستاتيستيكالىق دەرەكتەرگە بايلانىستىرۋ – سالىق سوماسىنا ۇنەمى اسەر ەتىپ، تۇسىنبەۋشىلىك تۋدىرادى. ونىڭ ۇستىنە بۇل جۇمىسشىلار سانىن كوبەيتۋ قاجەتتىلىگىنە اكەلەدى"، – دەيدى الماتى قالاسى كاسىپكەرلەر پالاتاسىنىڭ ديرەكتورى ايتۋار قوشمامبەتوۆ.
"Bed tax" ارقىلى جينالعان قاراجات تۋريزم ينفراقۇرىلىمىن دامىتۋعا جانە وڭىرلەردەگى باعىتتاردى ىلگەرىلەتۋگە جۇمسالادى دەپ بولجانعان بولاتىن. الايدا، بۇل ەرەجە قاۋلىنىڭ سوڭعى رەداكسياسىنان، سونداي-اق 2023 جىلعا نولدىك مولشەرلەمە ەنگىزۋ تۋرالى ۇسىنىستان كەيىن الىنىپ تاستالدى.
الماتى تۋريستىك نارىعى سالىق ماقساتى اشىق بولۋى كەرەك دەپ ەسەپتەيدى. ول ءۇشىن مىناداي مەحانيزمدەردى ازىرلەۋ قاجەت:
- تۋريستىك سالىقتى الۋدىڭ قاراپايىم، تۇسىنىكتى ءتاسىلى؛
- تۋريستىك سالىقتىڭ قاراجاتى قانداي ماقساتتارعا باعىتتالۋىن باقىلاۋ؛
- تۋريستىك الىمنىڭ قارجىلىق رەسۋرستارىن تەك ءتۋريزمدى دامىتۋعا باعىتتاۋ قاجەتتىگىن جانە تۋريستىك نارىققا قاتىسۋشىلاردىڭ قازاقستاندى تۋريستىك باعىت رەتىندە جارنامالاۋعا جانە ناسيحاتتاۋعا جۇمسايتىن شىعىندارىن جابۋدى قامتاماسىز ەتۋ.
ەسكە سالساق، الماتى قالاسىنىڭ كاسىپكەرلەر پالاتاسى جانىنان تۋريزم سالاسىنداعى كوميتەت جۇمىس ىستەيدى. ونىڭ ماقساتى – قالاداعى سالانىڭ دامۋىنا ىقپال ەتۋ. بۇدان باسقا الاڭدا سالالىق دامۋ باعدارلامالارى، ينۆەستيسيالىق جوبالار، ءادىسناما، ءوڭىرارالىق جانە سالاارالىق ىنتىماقتاستىق ماسەلەلەرى تالقىلانادى.