بۇيرىق جوباسى 21 جەلتوقسانعا دەيىن قوعامنىڭ تالقىلاۋدا بولادى.
قازاقستاننىڭ وقۋ-اعارتۋ مينيسترلىگى «اشىق نقا» پورتالىنا ءبىلىم بەرۋ ۇيىمدارىندا وقۋ جىلىنىڭ باستالۋ جانە اياقتالۋ مەرزىمى، قورىتىندى اتتەستاتتاۋ شاراسىنىڭ ۋاقىتىن ايقىنداۋ تۋرالى بۇيرىق جوباسىن جاريالادى، دەپ حابارلايدى Almaty-akshamy.kz.
بۇيرىق جوباسى بەكىتىلسە، بارلىق ءبىلىم وشاقتارىندا وقۋ جىلىنىڭ مەرزىمى 1 قىركۇيەك - 31 مامىر ارالىعىندا بولادى.
1-11 (12) سىنىپتاردا وقۋ جىلى ىشىندە توقسان جانە دەمالىس ۇزاقتىعى مىنانداي تارتىپپەن بەكىتىلمەك:
1 توقسان - 8 وقۋ اپتاسى، كۇزگى دەمالىس – 7 كۇن (31 قازاننان باستاپ 6 قاراشانى قوسا العاندا)؛
2 توقسان – 8 اپتا، قىسقى دەمالىس - 9 كۇن (31 جەلتوقساننان باستاپ 8 قاڭتاردى قوسا العاندا)؛
3 توقسان - 10 اپتا، كوكتەمگى دەمالىس - 9 كۇن (18-26 ناۋرىزدى قوسا العاندا)؛
4 توقسان -10 اپتا.
1 سىنىپتاردا قوسىمشا دەمالىس - 7 كۇن (6-12 اقپان ارالىعىن قوسا العاندا).
سونداي-اق، پيلوتتىق نەمەسە حالىقارالىق مەكتەپتەر سياقتى باسقا دا ءبىلىم بەرۋ ۇيىمدارىنىڭ سۇرانىسى بويىنشا بالامالى مەرزىم قولدانىلۋى مۇمكىن. ءبىراق ونىڭ دا ءوز ءتارتىبى قاراستىرىلعان.
ونداي جاعدايداعى وقۋ توقساندارىنىڭ مەرزىمدەرى مىنانداي تارتىپتە ۇسىنىلىپ وتىر:
1 توقسان - 9 وقۋ اپتاسى، كۇزگى دەمالىس-10 كۇن (23 قازاننان باستاپ 1 قاراشانى قوسا العاندا)؛
2 توقسان – 9 اپتا، قىسقى دەمالىس - 15 كۇن (31 جەلتوقساننان باستاپ 14 قاڭتاردى قوسا العاندا)؛
3 توقسان – 9 اپتا، كوكتەمگى دەمالىس - 9 كۇن (20-29 ناۋرىزدى قوسا العاندا)؛
4 توقسان - 9 اپتا؛
1 سىنىپتا قوسىمشا دەمالىس - 7 كۇن.