تۇرىكمەنستان ايەلدەرىنە جاساندى تۇردە سۇلۋ بولۋعا تيىم سالىندى

سۇلۋلىق سالونى ماماندارىنىڭ جۇمىسىنا شەكتەۋ قويىلدى.

تۇرىكمەنستان ايەلدەرىنە كىرپىك ۇزارتۋعا، جاساندى تىرناق وسىرۋگە، ەرىندى ۇلكەيتۋگە تىيىم سالىندى. تىيىمدى بۇزعاندار مەن سالون يەلەرى ايىپپۇل ارقالاۋى نەمەسە 15 تاۋلىككە قامالۋى مۇمكىن، دەپ حابارلادى Almaty-akshamy.kz Turkystan.kz cىلتەمە جاساپ.

سۇلۋلىق سالوندارىنىڭ تۇتىنۋشىلارى زاڭدى بۇزعانى ءۇشىن 300-500 مانات (38 000 – 64 000 تەڭگە) كولەمىندە ايىپپۇل تولەيدى. ال شەبەرلەر كورسەتكەن قىزمەتى ءۇشىن ءتىپتى 15 تاۋلىككە قاماۋعا الىنادى.

سالون قىزمەتكەرلەرى مۇنداي تىيىمدار سالىنعان جاعدايدا، قالىپتى جۇمىس ىستەپ، ءناپاقا تابا المايمىز دەپ شاعىمدانۋدا.

«سەردار بەردىمۇحامەدوۆ پرەزيدەنتتىككە كىرىسۋىمەن كارانتيندىك شەكتەۋلەردى الىپ تاستاي باستاعاننان كەيىن ءبىز جۇمىسقا ەندى عانا ورالدىق. ءبىراق جۇمىسىمىز تاعى دا شەكتەلدى. ال ەندى نەگە ءبىز دە بازارعا بارىپ قايىر سۇراۋىمىز كەرەك؟ وسىلايشا ءبىز كارانتين كەزىندە قارىزعا باتتىق، ولاردى وتەۋگە ءالى ۇلگەرمەدىك. ەندى جۇمىس ىستەيمىز بە دەگەندە، مىناداي شەكتەۋلەر قويىلىپ جاتىر»، – دەيدى سۇلۋلىق سالونىنىڭ قىزمەتكەرلەرى.