بارلىعى وتباسىنان باستالادى.
قازاقستان ۇكىمەتى مۇگەدەكتىگى بار ازاماتتاردىڭ قۇقىعىن قورعاۋ ماقساتىندا ارنايى الەۋمەتتىك جوبانى ىسكە اسىرا باستادى، دەپ حابارلايدى Almaty-akshamy.kz.
«قازاقستاننىڭ اقپارات جانە قوعامدىق دامۋ مينيسترلىگىنىڭ قولداۋىمەن ىسكە اسىرىلاتىن الەۋمەتتىك جوبانىڭ ماقساتى – ينكليۋزيۆتى قوعامدى دامىتۋ، مۇمكىندىگى شەكتەۋلى جاندارعا تولەرانتتى قارىم-قاتىناستى قالىپتاستىرۋ»، - دەلىنگەن اتالمىش مەكەمەنىڭ باسپا ءسوز قىزمەتىنىڭ حابارلاماسىندا.
جوبا قوعامدا ءالسىز توپتارداعى ازاماتتاردى كەمسىتۋ دەڭگەيىن تومەندەتۋ، مۇگەدەكتىگى بار قازاقستاندىقتاردىڭ تەڭدىگى، مۇمكىندىكتەرى بويىنشا ديالوگتى ۇيىمداستىرۋعا باعىتتالعان.
«ءقازىردىڭ وزىندە ءبىز مۇگەدەكتىگى بار ەرەسەك ادامداردىڭ بالا كەزىندە كەمسىتۋشىلىك فاكتىلەرىن باستان كەشىرگەنىن ءجيى بايقايمىز. ولار قوعامنان وقشاۋلانادى، ولاردىڭ الەۋمەتتىك بايلانىستارى بۇزىلادى. الەۋمەتتىك وقشاۋلاۋ پروسەسى جۇرەدى. ءيا، ولار مەملەكەتتىك جاردەماقى العانىمەن، ۇيدە وتىرادى، ولاردىڭ دوستارى وتە از»، - دەدى «قورعان-م» قب ءتورايىمى ديانا قىرعىزبايەۆا جوبانى تانىستىرۋ بارىسىندا.
سپيكەردىڭ ايتۋىنشا، بيىل ولار ينكليۋزيۆتى قوعام قۇرۋ ماسەلەلەرى بويىنشا جۇمىس ىستەيتىن ماماندارعا ارنايى سەمينار-ترەنينگتەر وتكىزەدى.
«بارلىعى وتباسىنان باستالادى. سوندىقتان ينكليۋزيۆتىك تاربيەگە ەرتە جاستان ەرەكشە نازار اۋدارۋ كەرەك. اتاپ ايتقاندا، ءبىزدىڭ قىزمەتكەرلەرىمىز بالاباقشالار مەن جالپى ءبىلىم بەرەتىن مەكتەپتەردىڭ تومەنگى سىنىپ وقۋشىلارىنا ينكليۋزيۆتى ءبىلىم بەرۋمەن اينالىسادى. مۇنداي بالالار وسكەن كەزدە مۇگەدەك ادامداردى كەمسىتۋگە جول بەرمەيتىنىنە سەنىمدىمىن»، - دەدى ديانا قىرعىزبايەۆا.
بيىل ۇيىمداستىرۋشىلار وزەكتى ماسەلەلەردى تالقىلاۋ ماقساتىندا ديالوگ الاڭىن وتكىزۋدى جوسپارلاپ وتىر.
سونىمەن قاتار، جوبا اياسىندا جاس قازاقستاندىقتار ءۇشىن سەمينارلار وتكىزىلىپ، وندا «تەڭ-تەڭىمەن» قاعيداتى بويىنشا ينكليۋزيۆتى قوعام قۇرۋ تۋرالى ايتىلادى.