بارلىعى 109 مەدال جيىنتىعى ساراپقا سالىندى
بەيجىڭ وليمپياداسىنا 91 ەل قاتىسىپ ونىڭ 29-ى جۇلدە الدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بەيجىڭدە وتكەن XXIV قىسقى وليمپيادا ويىندارىنا الەمنىڭ 91 ەلىنەن كەلگەن 4 مىڭعا جۋىق سپورتشى قاتىستى.
وندا ءدۇبىرلى دودادا سپورتتىڭ 7 تۇرىنەن 15 ءپان بويىنشا 109 مەدالدار جيىنتىعى ساراپقا سالىندى.
الايدا، وليمپيادا ويىندارىنداعى جەڭىس تۇعىرىنا كوتەرىلۋ باقىتى تەك 29 ەلدىڭ سپورتشىلارىنا عانا بۇيىردى. قالعان 62 ەلدىڭ سپورتشىلارى تەك جارىس مايداندارىندا سىنعا ءتۇسىپ، قورجىندارىن بوس كوتەرىپ قايتتى.
ولاردىڭ قاتارىندا قازاقستاندىق سپورتشىلار دا بار. اق وليمپيادادا ويىندارىندا ەلىمىزدىڭ نامىسىن 8 سپورت تۇرىنەن 34 سپورتشى قورعادى. ولار - قىسقى سپورت ويىندارىنىڭ ىشىندە سپورتتىڭ شاڭعى جارىسى، فريستايل-موگۋل، شاڭعى اكروباتيكاسى، تاۋ شاڭعىسى، شاڭعىمەن سەكىرۋ، بياتلون جانە شورت-ترەك تۇرلەرىنەن سىنعا ءتۇستى. وكىنىشكە قاراي جۇلدەلى ورىندارعا ەشكىم شىعا المادى.
بەيجىڭ-2022 وليمپياداسىندا جۇلدە العان مەملەكەتتەر ءتىزىمى:
