قالا اكىمى ەربولات دوسايەۆ جەتىسۋ اۋدانىنىڭ تۇرعىندارىمەن كەزدەسۋ بارىسىندا الماتنىڭ جەتىسۋ اۋدانىندا كوشكىن ءقاۋپىن بولدىرماۋ ماقساتىندا قانداي جۇمىستار جۇرگىزىلەتىنى تۋرالى ايتىپ بەردى، دەپ حابارلايدى aqshamnews.kz
ايتا كەتەيىك، وتكەن جىلدىڭ اقپان ايىندا الماتى اكىمىنىڭ تاپسىرماسى بويىنشا بۇكىل قالا بويىنشا ىقتيمال ءقاۋىپتى ۋچاسكەلەردى زەرتتەگەن جۇمىس توبى قۇرىلدى. ماسەلەن، جەتىسۋ اۋدانىندا شەليحوۆ جانە ۆولوچايەۆسكايا كوشەلەرىنىڭ بويىندا 2 ۋچاسكە انىقتالدى، وندا 2024 جىلدىڭ قازان ايىندا جەرگىلىكتى بيۋدجەت رەزەرۆىنەن قاراجات ەسەبىنەن تىرەك قابىرعا سالۋ ارقىلى ەڭىستى نىعايتۋ جۇمىستارى باستالدى. جۇمىس 2025 جىلدىڭ ناۋرىز ايىنىڭ سوڭىنا دەيىن اياقتالادى.
«كەمەل ىقشاماۋدانىندا زيراتى ورنالاسقان بەتكەيدىڭ جوعارعى بولىگىنىڭ كوشكىن قاۋپىنەن تۋىنداعان توتەنشە جاعدايدىڭ الدىن الۋ ماقساتىندا سوڭعى 2 جىلدا ەسەنتاي وزەنىنىڭ ارناسى زيراتقا قاراي 4 مەترگە اۋىستى، وسىعان بايلانىستى وسى جىلدىڭ ناۋرىز ايىندا ەڭىستى نىعايتۋ بويىنشا جوبالاۋ-سمەتالىق قۇجاتتامانى ازىرلەۋ باستالادى. قۇرىلىس جۇمىستارىن 2025 جىلدىڭ تامىز ايىندا باستاۋ جوسپارلانۋدا»، - دەدى الماتى اكىمى.
قوعامدىق قاۋىپسىزدىكتى قامتاماسىز ەتۋ ءۇشىن وتكەن جىلى اۋداندا 31 «سەرگەك» اپپاراتتىق-باعدارلامالىق كەشەنى ورناتىلدى-بۇل 171 كامەرا جانە 692 بەينەباقىلاۋ كامەراسى. اعىمداعى جىلى تاعى 300-گە جۋىق جاڭا بەينەكامەرا ورناتۋ جوسپارلانۋدا. الماتىدا بارلىعى 1641 «سەرگەك» اوك - 9152 بەينەكامەرا بار.