الماتىدا ەكى جاڭا ساياباق ايماعى پايدا بولادى. بۇل تۋرالى الماتى اكىمى ەربولات دوسايەۆ جەتىسۋ اۋدانىنىڭ تۇرعىندارىمەن كەزدەسۋ بارىسىندا ءمالىم ەتتى، دەپ حابارلايدى aqshamnews.kz.
«2025 جىلدىڭ ماۋسىم ايىندا كەمەل شاعىن اۋدانىندا 12 گا جاعالاۋدى اباتتاندىرۋ جۇمىستارى باستالادى، ال اعىمداعى جىلدىڭ قىركۇيەك ايىندا اينابۇلاق شاعىن اۋدانىندا 10 گا ساياباق ايماعىن اباتتاندىرۋ جوباسى قولعا الىنادى»، - دەدى ەربولات دوسايەۆ.
ايتا كەتەيىك، 2024 جىلى جەتىسۋ اۋدانىندا ەسەنتاي وزەنى بويىنشا كوكمايسا، كوكجيەك شاعىن اۋداندارىندا جانە كەدروۆايا كوشەسىندە جالپى اۋدانى 24،6 گا 3 جاڭا ساياباق-جاعالاۋ ايماعى قۇرىلدى.
سونىمەن قاتار، الماتى اكىمى «حالىق قاتىساتىن بيۋدجەت» باعدارلاماسىن ىسكە اسىرۋ بويىنشا جوسپارلارىن ايتتى. بيىل 30 جوبا جۇزەگە اسىرىلادى. بۇل - 22 قوعامدىق كەڭىستىكتى، 4 اۋلا اۋماعىن جانە 4 باسقا ينفراقۇرىلىم نىساندارىن اباتتاندىرۋ.
«بيىل «حالىق قاتىساتىن بيۋدجەت» اياسىندا 1200-دەن استام ۇسىنىستىڭ ىشىنەن 30 جوبا ىرىكتەلدى. وسى باعدارلاما بويىنشا ءبىزدىڭ قالامىزدا ەڭ كوپ ءوتىنىم جەتىسۋ اۋدانىنىڭ تۇرعىندارىنان تۇسكەنىن ەرەكشە اتاپ وتكىم كەلەدى. بۇل ءۇشىن شىن جۇرەكتەن العىس ايتامىن»، - دەدى اكىم.
مەگاپوليس باسشىسى بيىلعى جىلى اۋداندا تاعى 1،9 ملرد تەڭگەگە قارجىلاندىرۋ ۇلعايتىلعانىن، ونىڭ اياسىندا قۇلاگەر ش/ا 34 اۋلاعا اعىمداعى جوندەۋ جۇرگىزىلەتىنىن اتاپ ءوتتى. ماقاتايەۆ جانە ءسۇيىنباي كوشەلەرى بويىنشا 3،9 كم جاياۋ جۇرگىنشىلەر ايماعى اباتتاندىرىلدى، 300 جارىقتاندىرۋ تىرەگى قالپىنا كەلتىرىلدى، 6 مىڭ شارشى مەتردەن استام الاڭعا گۇلدەر وتىرعىزىلادى جانە 9 عيماراتتىڭ قاسبەتتەرى ساۋلەتتىك جارىقتاندىرىلدى.
ءۇش جىل ىشىندە الماتىدا حقب باعدارلاماسى اياسىندا 39،1 ملرد تەڭگە سوماسىنا 938 جوبا ىسكە اسىرىلدى. ەربولات دوسايەۆتىڭ تاپسىرماسى بويىنشا 2025 جىلى وسى ماقساتتارعا 17،1 ملرد تەڭگە ءبولىندى.