بۇگىن قازاق ۇلتتىق قىزدار پەداگوگيكالىق ۋنيۆەرسيتەتىندە قازاقستاننىڭ ەڭبەك سىڭىرگەن قايراتكەرى، ءبىلىم بەرۋ ءىسىنىڭ ۇزدىگى، ءانشى، كومپوزيتور، ءومىرىن ونەرىمەن ورنەكتەگەن اعايشا شەرمۇحامبەت قىزى يساعۇلوۆانىڭ 80 جىلدىق مەرەيتويىن اتاپ ءوتتى، دەپ حابارلايدى aqshamnews.kz.
اعايشا يساعۇلوۆا – QyzPU تۇلەگى، ۇلاعاتتى ۇستاز، تالانتتى كومپوزيتور ءارى ورىنداۋشى. ونىڭ ورىنداۋىنداعى، شىعارعان جانە سۇيەمەلدەگەن 300-گە جۋىق مۋزىكالىق جازبا قازاق راديوسى مەن تەليەۆيدەنيەسىنىڭ «التىن قورىندا» ساقتالعان. سونىمەن قاتار حالىق اراسىندا كەڭىنەن تاراعان 80-گە جۋىق ءاننىڭ اۆتورى. ۆەنگريا، پولشا، چەحيا، بولگاريا، گەرمانيا، ليتۆا، ۋكراينا، بەلورۋس، يۋگوسلاۆيا، تۇركيا، تاجىكستان، وزبەكستان جانە رەسەي ەلدەرىندە قازاق ونەرىن ناسيحاتتاپ، جەكە ءان كەشتەرىن وتكىزگەن. بۇگىندە پروفەسسوردىڭ عىلىمي-ادىستەمەلىك ەڭبەكتەرى، مۋزىكالىق شىعارمالارى جوعارى وقۋ ورىندارىندا، سونداي-اق جالپى ءبىلىم بەرەتىن مەكتەپتەردە كەڭىنەن قولدانىلادى.
«مەن بۇل قارا شاڭىراققا 1963 جىلى كەلدىم. ءتورت جىل ءبىلىم الىپ، كەيىن ينستيتۋتتا قالدىم. قازاق قىزدارىن ايالاپ، الاقانىمىزعا سالىپ، ءبىلىم بەرىپ، قولداپ، ۇلكەن جولعا باعىتتاعان ۇستازداردىڭ ءبىرىمىن. بۇگىن ۋنيۆەرسيتەتىم مەنى اسپەتتەپ، قۇرمەت كورسەتىپ، 80 جىلدىق مەرەيتويىممەن قۇتتىقتاپ جاتىر. بارشاڭىزعا شەكسىز العىسىمدى بىلدىرەمىن! 80 جاس – مەن ءۇشىن قايتالانباس، ەرەكشە بەلەس. شاڭىراعىمىز ءاردايىم بيىكتەي بەرسىن! وسى قۋانىشتى ءساتتى ۇيىمداستىرىپ، ەلەپ-ەسكەرگەن ۋنيۆەرسيتەت رەكتورى گۇلميرا ءامىرحانقىزىنا ايرىقشا العىسىمدى ايتامىن!» - دەدى QyzPU تۇلەگى، قازاقستاننىڭ ەڭبەك سىڭىرگەن قايراتكەرى، بءىلىم بەرۋ ءىسىنىڭ ۇزدىگى، ءانشى، كومپوزيتور اعايشا يساعۇلوۆا.
مەرەيتويلىق كەشكە ونەر جانە مادەنيەت سالاسىنىڭ مايتالماندارى، ۋنيۆەرسيتەت وقىتۋشىلارى مەن ستۋدەنتتەرى، پروفەسسوردىڭ شاكىرتتەرى جانە ارىپتەستەرى قاتىستى.
ءىس-شارا بارىسىندا اعايشا يساعۇلوۆانىڭ پەداگوگيكالىق جانە شىعارماشىلىق ەڭبەكتەرى تۋرالى بەينەروليك كورسەتىلدى. سونىمەن قاتار باسقارما توراعاسى-رەكتورى گۇلميرا قاناي اعايشا يساعۇلوۆانى مەرەيتويىمەن قۇتتىقتاپ، قازاق ۇلتتىق قىزدار پەداگوگيكالىق ۋنيۆەرسيتەتى اتىنان سىيلىق تابىستادى. تۇلەكتەر ۇستازدارىنا جۇرەكجاردى العىستارىن ءبىلدىرىپ، جىلى لەبىزدەرىن جەتكىزدى.
«بۇگىن قازاق ۇلتتىق قىزدار پەداگوگيكالىق ۋنيۆەرسيتەتىندە ۇلكەن ءدۇبىرلى توي وتۋدە. ونەردەگى ارداقتى ۇستازىمىز اعايشا يساعۇلوۆا 80 جاس مەرەيتويى اتالىپ وتۋدە. اعايشا ۇستازدىڭ شاكىرتتەرى وتە كوپ، ولار بۇگىندە قازاقستاننىڭ تۇكپىر-تۇكپىرىندە ءتۇرلى سالالاردا ابىرويلى قىزمەت اتقارۋدا. ءبىز ۇستازىمىزدى شىن جۇرەكتەن وسى مەرەيلى جاسىمەن قۇتتىقتايمىز! انامىزداي جاقسى كورىپ، قادىرلەيمىز. ۇستازىمىزدىڭ ءبىز سياقتى تاربيەلەپ وسىرگەن شاكىرتتەرى مەن حالىقتىڭ جۇرەگىنە جول تارتقان اندەرى باردا، اعايشا ۇستازىمىز قازاق حالقىنىڭ جۇرەگىندە ماڭگىلىك ساقتالماق»،-دەدى قازاقستان رەسپۋبليكاسىنىڭ مادەنيەت سالاسىنىڭ ۇزدىگى، قاراساي اۋدانى، شامالعان اۋىلىنىڭ مادەنيەت ءۇيىنىڭ ديرەكتورى شاربانۋ قالييەۆا.
اعايشا يساعۇلوۆانىڭ باستاماسىمەن «ايگۇل» ۆوكالدى-اسپاپتار ءانسامبلى، «شاتتىق جىرى» ءانسامبلى، «ونەر جاستان» وپەرا تەاترى جانە باسقا دا ونەر ۇجىمدارى قۇرىلدى. اسىرەسە، «ايگۇل» ۆوكالدى-اسپاپتار ءانسامبلىنىڭ دۇنيەگە كەلۋى – قازاق مۋزىكا ونەرىندەگى ايتۋلى وقيعالاردىڭ ءبىرى.
مەرەيتويلىق ءىس-شاراعا ارنايى كەلگەن «ايگۇل» ۆوكالدى-اسپاپتىق كۆارتەتىنىڭ مۇشەسى گۇلنار بەگالييەۆا ءوز ەستەلىكتەرىمەن ءبولىستى.
«مەن وسى ۋنيۆەرسيتەتتىڭ ەڭ العاشقى تۇلەكتەرىنىڭ ءبىرىمىن. مۋزىكالىق فاكۋلتەتكە رەكتوردىڭ ءوزى جولىمىزدى اشىپ، ءارى قاراي وسى جەردە ءوسىپ-ونسىن دەپ ءتورت قىزدى قالدىردى. ول جىلدارى بىزگە قازاق مۋزىكاسىنىڭ جارىق جۇلدىزى، كومپوزيتور ەسكەندىر حاسانعالييەۆ ساباق بەردى. ءبىر كۇنى ەسكەندىر حاسانعالييەۆ: «تورتەۋىڭ نەگە ۆوكالدىق كۆارتەت قۇرمايسىڭدار؟» — دەپ ۇسىنىس ايتتى. وسىلايشا، سول كىسىنىڭ يدەياسىمەن كۆارتەت قۇرىپ، ساپالى رەپەرتۋار دايىنداۋعا كىرىستىك. ءدال سول ۋاقىتتا ونىڭ «جاعاداعى ارۋ قىز» ءانى جاڭادان شىققان ەدى. بۇل ءاندى سيمفونيالىق وركەستردىڭ سۇيەمەلدەۋىمەن ورىنداپ، ۇلكەن ساحناعا الىپ شىقتىق. كوپ ۇزاماي ماسكەۋدە «اللو، مى يششەم تالانتى» اتتى كونكۋرس جاريالانىپ، ءبىز دە ب ا ق سىناۋعا اتتاندىق. بايقاۋ قورىتىندىسى بويىنشا لاۋرەات اتانىپ، ۇلكەن جەتىستىكپەن ورالدىق. بۇل كونكۋرستا ەرەكشە وقيعا ورىن الدى. جۇرگىزۋشى بۇكىل راديو مەن تەلەديدار ارقىلى كورەرمەندەرگە: «ءقازىر ءبىر ءان ورىندالادى. ەگەر بۇل ءان سىزدەرگە ۇناسا، جارىقتارىڭىزدى وشىرىڭىزدەر!» — دەپ حابارلادى. ءبىز ءانىمىزدى ورىنداپ بىتكەنشە، تەك زالداعى كورەرمەندەر عانا ەمەس، بۇكىل ماسكەۋ قالاسى جارىعىن ءسوندىرىپ تاستادى. مۇنداي ەرەكشە ساتكە بىرەۋ سەنەر، بىرەۋ سەنبەس، ءبىراق بۇل ءبىز ءۇشىن ۇمىتىلماس وقيعا بولدى. اعايشا يساعۇلوۆانىڭ قازاق مۋزىكاسىنا سىڭىرگەن ەڭبەگى زور. وسى ايتۋلى كۇنى مەرەيتويىمەن شىن جۇرەكتەن قۇتتىقتاي وتىرىپ، شىعارماشىلىق جولىنىڭ جارقىن بولۋىن تىلەيمىن!» - دەدى «ايگۇل» ۆوكالدى-اسپاپتىق كۆارتەتىنىڭ مۇشەسى گۇلنار بەگالييەۆا.
شارا سوڭىندا اعايشا يساعۇلوۆا ۋنيۆەرسيتەت باسشىلىعىنا، سونداي-اق كەشتىڭ قۇرمەتتى قوناقتارىنا جۇرەكجاردى العىسىن ءبىلدىرىپ، يگى تىلەكتەرىن ارنادى. ءوءزىنىڭ ۇستازدىق جولىنداعى قولداۋى مەن قۇرمەتىنە بولەنگەن ساتتەرىن تەبىرەنىسپەن ەسكە الىپ، ۋنيۆەرسيتەت ۇجىمىنا شىعارماشىلىق تابىس پەن وركەندەۋ تىلەدى.