كوگالداندىرۋ ءۇشىن وتە ۇلكەن سوما.
قوعامدىق كەڭەس مۇشەلەرى الماتىدا وتكەن «ۇزدىك اۋلا - 2021» بايقاۋى قالانى كوگالداندىرۋعا، تۇرعىنداردا ەكولوگيالىق مادەنيەتتى قالىپتاستىرۋعا ۇلەس قوساتىنىن ايتتى، دەپ حابارلايدى اlmaty-akshamy.kz.
«كوميسسيا مۇشەلەرىنە بايقاۋ ناتيجەسىن شىعارۋ وڭاي بولعان جوق. جۇمىستار بىرىنەن-بىرى وتەدى. تارتىستى بولدى. ناتيجەسىندە بۇل اۋلا گران-پري جەڭىپ الدى. اكىم 5 ميلليون تابىس ەتتى، بۇل كوگالداندىرۋ ءۇشىن وتە ۇلكەن سوما، ءبىراق بۇل جەردە تۇراتىن ادامدار بۇل اۋلانى وازيسكە اينالدىرۋ ءۇشىن بارلىعىن جاسادى. بۇل جۇمىلا كوتەرگەن جۇكتىڭ جەڭىل بولاتىنىن كورسەتتى، بىرەۋدەن تالاپ ەتپەس بۇرىن قالا ءۇشىن ءبىر نارسە جاساۋعا ءوزىڭ دايىن بولۋ كەرەكتىگىن ايقىندادى»، - دەدى قالالىق قوعامدىق كەڭەستىڭ مۇشەسى سەرگەي پونوماريەۆ.
جاسىل ەكونوميكا باسقارماسى اعاشتار وتىرعىزۋ، قالاعا بوياۋ بەرۋ جۇمىستارىندا مۇنداي بايقاۋلار ءوز تيىمدىلىگىن كورسەتەتىنىن العا تارتتى. الدا مۇنداي بايقاۋلار جالعاساتىنى، قالانىڭ جاسىل ەكونوميكاسىن دامىتۋعا قولداۋ جاسالاتىنى ايتىلدى.
«ميلليون اعاش وتىرعىزۋ جوباسى اياسىندا بۇگىندە 400 000 اعاش وتىرعىزىلدى. بيىل 300 000-عا جۋىق وسىمدىك وتىرعىزىلادى. سونداي-اق، قالاعا بوياۋ بەرۋ ءۇشىن گۇل وتىرعىزۋ جۇمىستارى جۇرگىزىلۋدە»، - دەپ اتاپ ءوتتى جاسىل ەكونوميكا باسقارماسىنىڭ قوعامدىق ناسيحات قىزمەتىنىڭ باسشىسى ءالي رايىمبايەۆ.
ەسكە سالساق، الماتى قالاسىنىڭ كۇنىندە اۋلا اۋماعىن ۇزدىك كوگالداندىرۋ بايقاۋىنىڭ قورىتىندىسى شىعارىلدى. قازىلار القاسى ۇزدىك ءۇش جەڭىمپازدى جانە گران-پري يەگەرىن انىقتادى. قالا اكىمى باقىتجان ساعىنتايەۆ جەڭىمپازدارعا 5 ملن تەڭگەنىڭ سەرتيفيكاتىن تابىس ەتتى.