مىڭداعان الماتىلىق باسپانالى بولادى.
الماتى تۋعان كۇنىن تويلاۋدا. بۇل ءار ادام ءۇشىن ەرەكشە كۇن. پاندەمياعا قاراماستان قالا دامىپ كەلەدى. بۇل تۋرالى قالا اكىمى باقىتجان ساعىنتايەۆ فەيسبۋكتەگى ءوزىنىڭ پاراقشاسىندا جازدى، دەپ حابارلايدى اlmaty-akshamy.kz.
قالا باسشىسى بيىل 2،6 ملن شارشى مەتردەن استام تۇرعىن ءۇي پايدالانۋعا بەرىلەتىنىن، مىڭداعان الماتىلىق باسپانالى بولاتىنىن جەتكىزدى.
«الماتى تۋعان كۇنىن تويلاۋدا. بۇل ءار ادام ءۇشىن ەرەكشە كۇن. پاندەمياعا قاراماستان قالا دامىپ كەلەدى. بيىل 2،6 ملن شارشى مەتردەن استام تۇرعىن ءۇي پايدالانۋعا بەرىلەدى. مىڭداعان الماتىلىق باسپانالى بولادى. ولاردىڭ ىشىندە 248 مىڭنان استام نەمەسە 4926 پاتەر حالىقتىڭ الەۋمەتتىك وسال توبىنا بەرىلەدى. 1013 كوپبالالى، تولىق ەمەس جانە مۇگەدەك بالالاردى تاربيەلەپ وتىرعان وتباسىلار تۇرعىن ۇيگە يە بولادى. جۇمىس ىستەيتىن جاستار ءۇشىن 1050 جالدامالى پاتەر قاراستىرىلعان»، - دەدى اكىم.
بۇدان وزگە جاستارعا ارنالعان باعدارلامالار مەن جەڭىلدەتىلگەن نەسيە تۋرالى دا ايتىلدى.
«الماتى جاستارى قالالىق باعدارلاماسى بويىنشا - 1000 جەڭىلدەتىلگەن نەسيە كوزدەلگەن. بۇدان باسقا جەكەلەگەن ساناتتار ءۇشىن «شاڭىراق» باعدارلاماسى بويىنشا باستاپقى جارنانى قۇيۋعا 1 ملن تەڭگەدەن 2 مىڭ تۇرعىن ءۇي سەرتيفيكاتى كوزدەلگەن»، - دەپ جازدى شاھار باسشىسى.
باقىتجان ساعىنتايەۆ سپورت الاڭدارى جاڭارتىلاتىنىن، جاڭا ءبىلىم بەرۋ نىساندارى پايدالانۋعا بەرىلەتىنىن ايتتى.
«جىل سوڭىنا دەيىن 16 مىڭعا جۋىق وقۋشىنى قامتيتىن 31 ءبىلىم بەرۋ نىسانىن پايدالانۋعا بەرەمىز. 61 مەكتەپ جانىنداعى سپورت الاڭدارىن جاڭارتۋدامىز. 10 جابىق سپورت كەشەنى سالىنۋدا»، - دەدى ب.ساعىنتايەۆ.
مەگاپوليس باسشىسى قالانى كوگالداندىرۋ جۇمىستارى بارىسىنا دا توقتالدى.
«قالانى كوگالداندىرۋ باعدارلاماسى جالعاسۋدا. وسى جىلدىڭ كوكتەمىندە 64 مىڭ ءتۇپ اعاش ەگىلەدى. قازان ايىنان باستاپ تاعى 350 مىڭ اعاش وتىرعىزىلادى. 22 ساياباق پەن سكۆەر جوندەلىپ، جالپى اۋدانى 284 گا بولاتىن 8 جاڭا ساياباق ايماعىنىڭ قۇرىلىسى باستالدى. ءبىز بىرگە الماتىنى ادەمى، جايلى ءارى اسەم ەتىپ كوركەيتەمىز. بۇگىن ورتاق يگىلىك ءۇشىن ەڭبەك ەتكەن ءاربىر جانعا العىس ايتقىم كەلەدى! بارشاڭىزدى مەرەكەمەن قۇتتىقتايمىن!»، - دەپ جازدى قالا باسشىسى.