شاھار يگىلىگى ءۇشىن وتە جاقسى باستاما.
قالا كۇنى مەرەكەسىندە پىكىرىمەن بولىسكەن قازاقستاننىڭ ەڭبەك سىڭىرگەن قايراتكەرى مۇرات قۇسايىنوۆ الماتىعا الەمنىڭ ەشبىر قالاسى تەڭ كەلمەيتىنىن ايتتى، دەپ حابارلايدى اlmaty-akshamy.kz.
ءانشى الماتىدا وتكەن ادەمى ەستەلىكتەرىمەن ءبولىسىپ، قالا بولاشاعىنا جاسالىپ جاتقان جۇمىستارعا ريزاشىلىعىن ءبىلدىردى.
«قالا كۇنى قالا ءۇشىن، تۇرعىندار ءۇشىن جاڭا ساياباقتار مەن سۋبۇرقاقتارى اشىلدى. بۇل شاھار يگىلىگى ءۇشىن وتە جاقسى باستاما. ءبىزدىڭ جاس كەزىمىزدەن وسى وپەرا تەاترىنىڭ جانىنداعى ساياباق، ياعني سۋبۇرقاق اشىلعان تۇستا وتە كوپ ەستەلىكتەرگە تولى. ونەر ادامدارىمەن، قالاداعى انشىلەرمەن بىرگە ساياباققا ءجيى كەلىپ، دەمالاتىنبىز. قابانباي كوشەسىنىڭ بويىندا ورنالاسقان ساياباق ءبىز ءۇشىن ىستىق. قالا اكىمى باقىتجان ساعىنتايەۆ سۋبۇرقاقتىڭ اشىلۋى كەزىندە بولاشاقتا قالانىڭ كوركەيۋى ءۇشىن ىستەلىپ جاتقان جۇمىستاردى ايتىپ، سوعان ءبىز ءتانتى بولدىق»، - دەدى م. قۇسايىنوۆ.
وسى قالامەن ءوزىن كوپ نارسە بايلانىستىراتىنىن ايتىپ، ىستىق لەبىزىن جەتكىزدى.
«قالا كۇنى قۇتتى بولسىن! الماتى مەن ءۇشىن – التىن ۇيا. مەنىڭ تۋىپ وسكەن جەرىم. الماتىمەن مەنى وتە كوپ نارسە بايلانىستىرادى. الماتىدا «دوس-مۇقاسان» قۇرىلدى، شاڭىراق كوتەرىپ، 3 بالام دا وسى شاھاردا دۇنيەگە كەلدى. ءقازىر نەمەرەلەرىم دە وسى قالادا ءوسىپ، جەتىلۋدە. وسى جاسقا دەيىن الەمدەگى بىرنەشە ەلدىمەكەندەردى ارالاعان اداممىن. ءبىراق، الماتىنى ەشبىر قالاعا تەڭەي المايمىن. قالا اكىمى ءوز سوزىندە: «شاھاردىڭ بۇرىنعى كەلبەتىن مۇمكىندىگىنشە، ساقتاپ قالۋعا تىرىسامىز» دەدى. وسى ءسوزى ماعان قاتتى ۇنادى»، - دەپ ايتتى ءانشى.