اقمولا وبلىسىنداعى بىرەگەي كولدى قورعاۋ ماقساتىندا رەيد ۇيىمداستىرىلادى. ويتكەنى تۋريستەر كوبەيتۇزدان قىزعىلت تۇزدى جاپپاي قازىپ اكەتىپ جاتىر. دەمالۋشىلاردىڭ بۇل ارەكەتى الەۋمەتتىك جەلىگە تاراعان، - دەپ حابارلايدى اqshamnews.kz ءتىلشىسى.
ۆيدەودا ەر ادامدار تۇزدى قازىپ الىپ، ءتۇرلى ىدىسقا سالىپ جاتىر. ادامدار مۇندا ءتىپتى ارنايى كۇرەكپەن، قاپپەن كەلگەن. ەسكە سالايىق، كەيىنگى رەت بەس جىل بۇرىن كوروناۆيرۋس كارانتينى كەزىندە كولدىڭ تۇزىن ەمدەۋ ماقساتىندا قولدانۋ ءۇشىن كەلۋشىلەر وزىمەن الىپ كەتكەن ەدى.
سول كەزدە 35 جەكە تۇلعا اكىمشىلىك جاۋاپقا تارتىلىپ، ايىپپۇل سالىنعان. بۇل جولى پوليسيا دەپارتامەنتى ءىستى ەكولوگيا مينيسترلىگىنە جولدانعان. الايدا ۆەدومستۆو وكىلدەرى قۇقىقبۇزۋشىلىقتىڭ"ناقتى مالىمەتى جوق" دەپ، قۇجاتتى ءتارتىپ ساقشىلارىنا كەرى قايتارعان.
"ەكولوگيا دەپارتامەنتىنىڭ جەدەل تەرگەۋ وكىلەتتىكتەرىنىڭ بولماۋىنا جانە قۇقىقبۇزۋشىلارعا قاتىستى ناقتى مالىمەتتىڭ جوق ەكەنىنە بايلانىستى بۇل ماتەريالدار 1- تامىزدا كەرى قايتارىلدى. سونداي-اق 1-2 تامىزدا ەرەيمەنتاۋ اكىمدىگى حالىقتى اقپاراتتاندىرۋعا، قۇقىقبۇزۋشىلىقتىڭ الدىن الۋعا جانە ازاماتتاردىڭ قۇقىق ساناسىن ارتتىرۋعا باعىتتالعان كەزەكتى رەيد وتكىزىلەدى"، - دەدى ەكولوگيا مينيسترلىگىنىڭ باسپا ءسوز قىزمەتى وكىلدەرى.