بۇل - 2021 جىلمەن سالىستىرعاندا 16،8%-عا كوپ جانە سوڭعى بەس جىلداعى ەڭ جوعارى كورسەتكىش.
ۇلتتىق ستاتيستيكا بيۋروسىنىڭ مالىمەتى بويىنشا، بىلتىر تۇرعىن ءۇي قۇرىلىسى سالاسىنا 2 تريلليون 902،2 ميلليارد تەڭگە ينۆەستيسيا تارتىلعان، دەپ حابارلايدى Almaty-akshamy.kz
سالاداعى وڭ ديناميكانىڭ وسۋىنە جەكە ينۆەستيسيالاردىڭ بىردەن 607،6 ملرد تەڭگەگە، ياعني 2 ترلن 473،9 ملرد تەڭگەگە دەيىن ۇلعايۋى اسەر ەتكەن. مۇنداي ۇلكەن ءوسىم سوڭعى بەس جىلدان بەرى بولماعان.
بيۋدجەتتىك ينۆەستيسيالار قۇرىلىمىنداعى كوپجىلدىق مينيمۋمعا رەسپۋبليكالىق بيۋدجەتتەن بولىنگەن قاراجات ەسەبىنەن – 29،2 ملرد تەڭگە جەتكەن. التى وبلىس ولاردى مۇلدە الماعان، بۇعان دەيىن مۇنداي جاعداي بولماعان. وسىلايشا، نەگىزگى اۋىرتپالىق جەرگىلىكتى بيۋدجەتتەرگە ءتۇستى.
جالپى، ينۆەستيسيانىڭ جارتىسىنا جۋىعىن ەكى قالا – استانا (686،9 ملرد تەڭگە) جانە الماتى (598 ملرد تەڭگە) باستاپ وتىر. ولاردىڭ ءوسۋ قارقىنى سايكەسىنشە 10،9% جانە 16،9% قۇرادى»، - دەيدى ساراپشىلار.
ءوسىم 15 وبلىستا، اسىرەسە، جەتىسۋ (+57،8%) جانە شىعىس قازاقستان وبلىستارىندا (+54،2%) بايقالادى. قالعان بەس وبلىستىڭ ىشىندە ينۆەستيسيا كولەمى اتىراۋ وبلىسىندا (-45،1%) تومەندەپ كەتكەن.